You are here

الحلم هيبقى حقيقة

عايزة أتجوز - Mon, 12/07/2010 - 6:48pm
فاكرين زمان أول ما بدأنا المدونة دي مع بعض؟


فاكرين لما كنتوا بتقولولي لازم تنشري الكلام ده في كتاب و أكيد هينجح


كنت باقول لنفسي أكيد بتبالغوا أو بتجاملوا أو بتهزروا


بس حصل و نشرنا الكتاب و نجح


عربي و إيطالي و ألماني و في السكة الهولندي و الإنجليزي إن شاء الله



فاكرين بعدها بشوية ..بعد العريس التاني أو التالت لما ابتديتوا تقولواالكلام ده ممكن يتحول لمسلسل تلفزيوني في رمضان


و أنا برضه قعدت أضحك و أقول ..يا سلام يا سلام ..و أنا إيه إن شاء الله اللي هيوصلني لبتوع التليفزيون و يعملولي مسلسل و كمان يتعرض في رمضان ؟..ده على أساس إن أنا أسامه أنور عكاشة أو يمكن رأفت الهجان؟


بس أهو حصل ..و بيحصل


إنتوا شكلكوا كده وشكوا حلو عليا أو مكشوف عنكوا الحجاب


كنتوا معايا في خطوات كتير على الطريق و أنا في كل لحظة حاسة إن كل حد دخل المدونة دي شريك في كل اللي بيحصل ده


يا جماعة ..ياللي هنا ..و يا اللي جم قبل كده هنا


شــكــرا


و دلوقتي مع ثمرة توقعاتنا و دعواتنا وأمنياتنا


برومو عايزة أتجوز


بطولة ....الجميلة هند صبري


إخراج .....الجميل رامي إمام


سيناريو و حوار أختكوا الصغيرة (يووه الكبيرة خلاص ما تزعلوش).......
غادة عبد العال






.
.
.
.