You are here

كيف تنشىء مدونة

بنت مصرية - Sun, 28/05/2006 - 6:06am



يبدو أن وثائقى المدونين على الجزيرة سره باتع
اعتقد ان التدوين دخل مرحلة فاصلة فى الانتشار
وحقق خطوة كنا ممكن نبذل فيها مجهود جامد اوى وفرته علينا الجزيرة

وصلتنى ايميلات من مدونين جداد ابتدوا يعرفوا عن التدوين ويهتموا بيه بعد الحلقة..بسرعة كده :))ه

وكانت اغلب الاستفسارات عن حاجات متعلقة بكيفية التدوين وكده، وبصراحة انا فكرت -ونفذت كمان- فى صفحة تشرح الموضوع بالتفصيل من اول فتح حساب فى بلوجر لحد وضع لينكات وصور فى السايد بار

كان عندى ملف اشتغلته من كام شهر للمجلة اللى كنت بشتغل فيها
واضفت كمان الجزء المتعلق بتنسيق المدونة والتعديل فى قالبها

يا رب تفيد كل المهتمين يكون عندهم مدونات

المهم يعنى، لما حد يبعت لكم استفسارات ممكن بسهولة توفروا على نفسكم مجهود الشرح والوقت كمان وتبعتوا لينك الصفحة: أ،ب...ي: تدوين