You are here

يا المجهول Anonymous:

ألله الوطن فاطمة - Sat, 06/05/2006 - 11:42pm

قال مدون قديم "عجبت لزمن يجبر المرء لكتابة تدوينة يشرح فيها تدوينة"

شلولح !!

..:

علشان انا خلقي ضاق...مش فاهم انا المفروض اعمل ايه ...يا هقول مثلا حاضر سمعنا وأطعنا مولاي انت خير النصير ,يأما هاخد جنب وأقعد أعيط فيه علي سبيل الندم جايز ربنا يغفري !!..

يا خبر اسود..لسه في ناس كده...ملعون ابو فرويد يا عم اللي علمكم الكلمتين دول... ذوبان الانا العليا في الانا السفلي ,طيب يا عم مفهومة ايه لازمة ال

"ego" وبعدين ايه موضوع النقاء الثوري ده !؟ اضرب مثل يا سيد المشكلة ان الانسان غالبا بيتصنف بالشكل ده يا أما نسخة موجب , يا سالب لكن مفيش حاجة اسمها انسان كوحدة قياس..مستقلة بذاتها..

وبالتالي فالمغرور سالب والمتواضع موجب ..والأناني سالب والمتفاني موجب وهكذا

..

فملعون ابو حضرتك

لأني اساسا معترف

اني اناني جدا ومغرور جدا

..وده حقي كاختيار بسيط علي الاقل...وبالمناسبة البوست لا هوكان عن تاريخي النضالي ولا ثوريتي ..ولا حتي عن مالك مصطفي

..لأني في الاساس بكره فكرة تأليه البني ادمين وتحويلهم لأصنام لاننا عندنا من النوع ده كفاية والحمد لله- طبعا المقولة ديه متنطبقش علي لاني في حد ذاتي اله- :p

الحكاية كلها يا بوب هي اني كنت بتكلم عن امثال سموك من اللي قاعدين يطلعوا دين ام الناس علشان يرضوا ضمايرهم ويحسوا انهم أدوا الغرض من وجودهم اصلا في الحياة

تعالي بقه ننسي شويه ذواتنا ونتناقش بجد بني ادم لبني ادم...ينفع !!؟

لو انا و فخامتك والأستاذ احمد ناجي وأنيمال اللي مشاركنا التعليق ..كنا فكرنا للحظة اننا نسيب بيوتنا ونبطل لفترة اننا نتفلسف ونناظر بهدف اننا نغوص في بطن التعبان الفحلوقي ونخرج كل مره واحنا ملوثين بالسائل الامينوسي وفي ايدنا جوهرة الحقيقة البمبي وعلي شفايفنا ابتسامة ..لو كنا فكرنا اننا نبطل من الاساس نكتب لأننا عايشين في بلد مش بيقرا الناس فيها غير بغرض تسلية الطريق..ولان اصلا مفيش كلمة بتغير غير كلمة كُن ...وان كل اللي بنعمله هنا مجرد لعبة اتفقنا اننا نلعبها سوا,

كل اللي قلته ان لو كل واحد كتب بوست عن الناس ديه فكر للحظه انه ينزل ويشاركهم الرصيف ..مفتكرش لحظتها انهم كانوا ممكن يحبسوا بلد !!

لكن طول ما انت في ايدك قلم بتنفس بيه عن اللي جواك..مش هتفكر ابدا انك تنزل مظاهرة.. أو تبات في اعتصام..ومش هتتخيل أبداً ان هييجي عليك وقت هتضطر تمر في الشارع بين رصاصتين

عارفين ليه كل ما نتكلم نقول كسم مصر ؟؟

مش علشان مصر ..لكن علشان شعبها,

فكسم مصر

!!

قبل ما تفتح بقك وترد في فيلم في السينما –حاليا- اسمه

“V for vendetta”

ياريت تشوفه..:

"كتائب الشهيد مالك مصطفي - الجناح العسكري لتنظيم – 30فبراير المعدل من تاريخه "

الشواكيش قامون !!

الصورة بعدسة*عمرو عزت

تحديث :تم تغير بعض لينكات تلك التدوينة مع الأعتذار لبنت مصرية