You are here

BooDy's HomePage

BooDy's HomePage
Checked: 2 hours 6 min ago
Updated: 7 years 9 months ago
Update every: 2 hours

تحذير: هذه المدونه تحتوي على ألفاظ بذيئه و غير مناسبه لمرضى القلب و الحوامل و الأطفال تحت سن التاسعه و التسعين. مجرد آراء شخصيه و مشاهدات عشوائيه للبيئه المحيطه بالعبد لله صاحب المدونه في رحلته للبحث عن مدينته الفاضله المفقوده. تكنولوبيا، دين، سياسه، تفاهات، مُفقِعات (واخد لي بالك) و أشياء أخرى.
Subscribe to BooDy's HomePage

غربة

BooDy's HomePage - Fri, 09/08/2013 - 11:04am

فقد الأحبة غربة، و أحيانا قربهم غربة. أعوام مضت و لم نعد نفس البشر، استبدلنا الله بقوم آخرين، هل هم خير منا أم لا؟
لم يلتق ما كان بما أتى و ما سيكون يا مالك. من هم الأهل و من هم الأحبة؟ أم هي غربة واحدة؟ تغريبة في الوطن و خارجه أم لم يك لنا وطنا منذ البداية و هي أوهام مزمنة، أضغاس أحلام يقظة مستدامة؟
لا رغبة في الوجود ولا رغبة في ما كان يوما منذ بضعة أعوام أو عقود، ألم أقل لم يكن لنا وطنا منذ البداية.. لا رغبة في أي شئ، لا قرع الكؤوس ولا الدروع. لا رغبة في أي شئ....


فئوية

BooDy's HomePage - Fri, 04/01/2013 - 3:58pm

إلى أين المفر من نهديك، حد فاصل بين اليأس و المحاولة، خيط دقيق يرفعهما يظهر من وراء تفصيل ردائك، أين المفر من نهديك، هارب من ليلى إلى نهدي ليلى، اليأس باب الحياة، اليأس مفتاح الأمل، أبواب لطختها دماء اللاحقين، برق بدا من جانب الغور لامع و لم ترتفع عن وجه ليلى البراقع، ترجمة الشعر عار و كتابة فصول الحب عار و قوالب المس الأبدي عار، قوالب الروح خاوية، نهديك مطالب فئوية، كلمات بخسة تعتصر مفهوم بخس للعدم الباق إلى الأبد المنتهي، هل امتهنا إغلاق القبور أم حفرها، نهديك مطالب فئوية....


ام أشرف

BooDy's HomePage - Tue, 30/10/2012 - 12:44am

أنا عارف اني غبت عليكي كتير بس الدنيا تلاهي. عارفة يا ام أشرف، أنا بقى لي 6 شهور بدور على بيتكم الجديد لما كعابي دابت، من يوم ما بيتكم القديم اتهد و انا تايه يا ام أشرف، حتى المحمول اللي الواد جابه لك من السعودية مبترديش عليه. بيتكم القديم الموت داسه، من يوم ما الحج مات و ريحة البيت عطنت، متزعليش مني، بيتكم الجديد داخله النور و ريحه حلو و عتبته خضرا. عارف انك زعلانة مني و عارف ان الغلط راكبني، بس أعمل ايه، الغواية صعبة يا ام أشرف و العمر بيجري.


read more

دعونا نتحدث عن الانتخابات

BooDy's HomePage - Sun, 20/05/2012 - 2:28pm

دي نظرية مؤامرة تحتمل الصواب و الخطأ، أنا راجل مبفهمش في السياسة بس شايفها كده. ليه الانتخابات بالنسبة لي اشتغالة كبيرة، الثقة في اللي قتل و عذب و هتك أعراض سذاجة منقطعة النظير بس مش مشكلة انا هقول ان مفيش حل تاني و لازم الانتخابات تتم و احنا تحت حكم العسكر لعدم وجود بديل.


read more

بلا عنوان

BooDy's HomePage - Sat, 24/03/2012 - 9:30pm

دمى الآلهة، نرقص و نفرح و نغني و نذرف دموعنا في السر أكثر من العلن. قابلون للاستبدال بإمضاء على ورقة مهترئة. نرجم أرواحنا ألف مرة، و نموت في اليوم ألف مرة، و نرجف من آلام الجسد، نبحث عن الخلاص في كل زاوية نحتمي بها، نكذب بألسنتنا و أعيننا و قلوبنا لا يلتصق بنا من الصدق سوى قشرة من جلد ميت ينتهي به الحال كل يوم إلى تراب يغطي أرفف كتب قديمة.

إيمان

BooDy's HomePage - Wed, 15/02/2012 - 10:58am

بغض النظر عن تصديقك لخرافات زي الإعجاز العلمي في القرآن/الإنجيل، البطيخة اللي فتحوها لقوا لفظ الجلالة مكتوب بالبذر، العدرا اللي بتظهر على قبب الكنائس و غيرهم من الظواهر علشان تقوي ايمانك و تقضي على أي ذرة شك عندك في حقيقة وجود ربنا، حياة بعد الموت، جنة و نار، حساب و عدالة كونية، إلخ إلخ إلخ....
الأديان كلها متشابهة جدا، هتلاقي دايما الوصايا العشر و حوالين منهم مجموعة شرائع و قصص مختلفة. كل الأديان تقريبا مش بس الإبراهيمية المنتشرة في مصر.

حدائق النور

BooDy's HomePage - Thu, 01/12/2011 - 1:13pm

لم هذه المشاجرات، و هذه اللعنات، و هذه السخريات؟ إن لكل شعب تقاليد دونت في شرائعه و ينسبها إلى المشيئة الربانية. أفتكون هذه المشيئة مختلفة بالنسبة إلى كل شعب؟ الحقيقة أننا لا نعلم شيئا عن المشيئة الربانية، ولا نعرف شيئا عن الربوبية، لا اسمها ولا ظاهرها ولا صفاتها. و يطلق البشر على ((الله)) ما لا يحصى من الأسماء، و كلها صحيحة، و كلها أيضا باطلة. فلو كان له اسم لما أمكن أن يكتب بكلماتنا، ولا تتلفظ به أفواهنا. يقال انه غني و قوي. و الغنى و القوة ليسا صفتين إلا على مستوى الناس، ولا يعنيان شيئا على مستوى الله.

الحرية لعلاء عبدالفتاح

BooDy's HomePage - Sun, 30/10/2011 - 3:03pm




في سنة 2006 كلاب مبارك من وزارة الداخلية قبضوا على علاء عبدالفتاح و مجموعة كبيرة من النشطاء و لفقوا لهم تهم كتير و اتسجنوا أكتر من ست اسابيع.
ساعتها كتبت التالي:


First they ignore you. Then they laugh at you. Then they fight you. Then you win

عزيزي المجلس الأعلى، من خاف سلم

BooDy's HomePage - Mon, 23/05/2011 - 9:44am

حضرات السادة اللواءات، بعد التحية و هز الطرية انا في حاجة واقفة في زوري نفسي اقولها. انا مش هتكلم عن بلالين الاختبار اللي كل شوية بتطلع علشان تجس نبض الشارع، ولا هتكلم عن المحاولات المستميتة لمساعدة حسني مبارك على الهروب من العقاب هو و أولاده ولا هتكلم عن سياسة العظمة اللي بترموها لنا كل شوية علشان تهدوا الشارع (آخرها حكم غيابي على أمين شرطة بالاعدام في جريمة قتل المتظاهرين، يا فرحتي و الظباط و اللواءات المتورطين في قتل المتظاهرين لسه موجودين في الداخلية عادي جدا ولا كأن في أي حاجة)


read more

عن استمرار الاعتصام

BooDy's HomePage - Tue, 12/04/2011 - 11:29pm

انا متنرفز جدا من الوضع الحالي و متلخبط في نفس الوقت. و عارف ان توقيت كتابة الكلام ده هيكون مستفز لبعض الزملاء الثوريين الراديكاليين و غالبا هبقى متهم بإني جبان أو خائن أو بعرص للجيش بس فعلا مش قادر اسكت اكتر من كده.

من بعد إقالة أو استقالة حكومة شفيق و تعيين عصام شرف كرئيس للوزراء و لغاية دلوقتي و بعض الثوار مصممين على الاصطدام بالجيش و المجلس العسكري. و المطالبة برحيل المشير طنطاوي بقدرة قادر أصبحت دلوقتي على رأس أولويات الثوار.

أنا شايف ان دي معركة غلط و في توقيت غلط و مضرة للثورة جدا للأسباب التالية:

مبروك يا مصر :)

BooDy's HomePage - Fri, 11/02/2011 - 11:07pm

مبروك يا مصر، انتي حره :)


انت قضيتك مززة؟ أنا قضيتي مززة أكتر

BooDy's HomePage - Tue, 07/09/2010 - 1:56pm

بقى لي كتير عاوز اكتب بس كل اللي عاوز اكتبه هيطلع حد يسب لي الدين علشانه و بصراحة ربنا الواحد مبقاش عنده نفس يتخانق مع كلاب السكك كل شوية. حتى التدوينة دي يمكن آخد لي عليها كلمتين في جنابي بس طز مش فارقة، كما قال رجل حكيم، ينعل ابوهم كلاهتهم.


read more

So geeks are cool now.... huh

BooDy's HomePage - Tue, 17/08/2010 - 12:17am

Warning: if you're actually crazy enough to follow and like my blog (ha!) then this post is probably not your cup of tea, I've had this thought on my mind for some time and I just wanted to rant about it here.

وسام الفوطة الصفرا

BooDy's HomePage - Tue, 08/06/2010 - 4:49pm

فوطة صفرا، خرقة، هرمة، أو شرموطة. كلها مرادفات تستخدم حسب الموقف و الطبقة الاجتماعية للقائل لوصف قطعة من القماش تستخدم لمسح أي قذارة تلاقيها قدامك. غالبا بتستخدم الفوطة الصفرا و ترميها على جنب لغاية ما تتبهدل تماما فلو كنت غلبان على قد حالك هتغسلها و تعيد استخدامها أما لو كنت مقتدر و معندكش أي اهتمام ولو شكلي بتوفير المصادر الطبيعية هتبص للفوطة بقرف بعد ما تتوسخ و تمسكها بطراطيف صوابعك أو باستخدام منديل كلينكس من ابو ريحة و ترميها بره عربيتك و عند أول إشارة هتنده للشاطرة (ايه شاطرة دي؟؟؟ قالشه فشخ و هربانة من الاربعينات طحن و عليها تراب) اللي واقفة عندها و تشتري منها فوطة جديدة.

يوم للبرمجيات الحرة بساقية الصاوي

BooDy's HomePage - Mon, 29/03/2010 - 11:15am


تدعوكم مجموعة مستخدمي جنو/لينكس في مصر لحضور يوم البرمجيات الحرة في قاعة
النهر بساقية الصاوي بالزمالك و ذلك بيوم السبت الموافق الثالث من أبريل
2010. تعرف معنا على نظام تشغيل جنو/لينكس كبديل لأنظمة التشغيل المنتشرة
اليوم، ماهي البرمجيات الحرة، كيف يمكن أن تستفيد من البرمجيات الحرة كطالب
أو صاحب عمل، أو مستخدم بسيط للحاسب.

احنا في زمن العرص

BooDy's HomePage - Mon, 08/03/2010 - 4:32pm

إنها من أهم نواميس الكون، العرص ينتصر دائما. بدأت من قابيل و هابيل (ده إذا كنت مؤمن بحقيقة قصتهم يا عزيزي، يمكن تكون كافر من بتوع التطور و مش مصدق انهم كانوا موجودين. أعذرني فأنا دائما و أبدا بحاول احترم كل العقائد حتى العقائد الزباله لا يمنع انها زبالة ان الواحد يحترمها برضو).

أبون كرست، وداعا

BooDy's HomePage - Wed, 16/12/2009 - 2:56am

ساعات قبل ما انام بيدخل دماغي كلمتين مبعرفش انام غير لما اكتبهم او اقولهم لحد. الساعه دلوقتي اتنين بالليل فصعب الاقي حد اكلمه، بعد ما دخلت السرير و قفلت النور لقيت نفسي فطسان على روحي من الضحك علشان افتكرت الحاجات اللي كنت عاوز اعملها قبل ما امشي من اوبن كرافت بس ملحقتش.

يلعن أبوكم كلكم

BooDy's HomePage - Tue, 17/11/2009 - 8:51pm

المناضلين البضان، طز فيكم و في تنظيركم البضان، أنا آسف ان الشعب بينبسط بالكوره، و آسف اني بحب الكوره و مبسوط ان فرقتي بتكسب، و آسف ان البشر اللي نزلوا يهيصوا في التحرير لما كسبنا مبينزلوش المظاهرات، حقيقي آسف.

عبث

BooDy's HomePage - Mon, 02/11/2009 - 12:23pm

كل الكلمات عبث، حماقات مكرره بلا معنى سوى لكتابها، حزن، ابتهال للآلهة، تأمل، شعر، حب في الحياة و الموت، تراتيل حمقاء يتلوها مجموعة من الحمقى، يدورون في حلقات مفرغه و تدور حولهم عبثيات الحياة. كلنا مجموعة من الحمقى يجمعنا الأمل فإذا فقدناه فقدنا معه الحماقة و ربما الحياة.


النقاب..... إلى أين؟

BooDy's HomePage - Mon, 12/10/2009 - 11:38pm

شفتوا العنوان؟ حاجه من بتاعة الأهرام و الأخبار، العناوين اللي ملهاش أي لازمه بس شكلها وراها كلام كبير أوي.

من فوائد الصمم

BooDy's HomePage - Sun, 27/09/2009 - 10:31am

بعد حوالي أسبوع من الصمم الجزئي في سؤال بيطرح نفسه، هو انا ليه اتعالجت؟

زمان و انا صغير

BooDy's HomePage - Sat, 27/06/2009 - 9:14pm

سنة 1992

"قوم يا عبدالرحمن غير القناه و هات لنا الأخبار"

كل عام و أنت حبيبتي

BooDy's HomePage - Wed, 17/06/2009 - 9:20pm

"كل عام وأنت حبيبتي ..أقولها لك بكل بساطه ..كما يقرأ طفل صلاته قبل النوم"

بكل بساطه، و ربما بكل حماقه، يقولها مخاطبا الفراغ اللا متناهي الذي تركته ورائها. صوت فيروز، كلمات نزار، أغنية لرونان كيتنج أحبها و لم تحبها، بقايا أماكن اللقاء، أبيات للحلاج، كلها قصاصات ملقاة على جوانب طريقه، يتجاهلها حيناً و يجمعها حيناً آخر.

أعز من الولد

BooDy's HomePage - Tue, 19/05/2009 - 5:39pm

متهيأ لي مفيش حد في الكون بيحب ولاد أخوي قد جدهم، فعلا حكاية أعز من الولد ولد الولد دي صح أوي. سؤالين يطرحوا أنفسهم حاليا. الاولاني هل ملك مصر المفدى منهار دلوقتي و حاسس بألم شديد على حفيده؟ و لو حاسس بالألم و الحزن يا ترى إيه إحساسه و هو شايف النفاق و الكذب اللي بيحصل علشان كل واحد عاوز يكسب شوية نقط؟

Pages

Subscribe to BooDy's HomePage