You are here

جبهة التهييس الشعبية

جبهة التهييس الشعبية
Checked: 1 hour 58 min ago
Updated: 1 hour 58 min ago
Update every: 2 hours


Subscribe to جبهة التهييس الشعبية

احترس.. الاخوان ترجع الى الحكم

جبهة التهييس الشعبية - Mon, 07/07/2014 - 11:41am
يا خراب بيتك يابو العربيهو عمل كده ليه؟ يا سيادة المشير.. هو انت عملت كده ليه؟ صدقني انا عايزة اساعدك.. بس انت لازم تساعد نفسك، ومش عايزة اساعدك حبا فيك، بس عشان البلد منهكة ومرهقة ولازم بقى حالها يتعدل باي شكل من الاشكال، طب بلاش حالها يتعدل، حالها يستقر طيب، شوية كده، الناس ترتاح، تاخد هدنة، تبلع ريقها، تنام لها ساعة.. انما ايه ده؟ ايه ده بجد؟ويحضرني هنا مقولة سيادتك: هذا الشعب الذي عانى كثيرا ولم يجد من يحنو عليه.. صح.. فايه؟

على بركة الله

جبهة التهييس الشعبية - Wed, 28/05/2014 - 11:43pm
هو انا ممكن اكلم الزملاء الخونة العملا الجواسيس النوشتاء اللي خربوا البلد بس وماحدش اساسا يرد عليا غيرهم؟ عشان انا مش ناوية اوجه اي خطاب لبتوع كيد الضراير... ولو انهم حينفعونا بعد شوية.. حينفعونا قويالسادة الزملاء الخونة الجواسيس العملا النوشتاء اللي خربوا البلد انتوا زعلانين ليه بجد؟

حسبنا الله ونعم الوكيل

جبهة التهييس الشعبية - Sun, 11/05/2014 - 11:07am
تحديث:الاخوان بيقولوا ان عبد الرحيم علي كان اخوان.. انا برضه قلت التربية دي ما تخرجش من حد غير منهم.----الإعدام لما يزيد عن 600 مواطن في قضية قتل 55 شخصا السجن ل40 طالبا بتهمة قتل زميل لهم براءة عبد الرحيم علي من تهمة السب والقذف لا تعقيب على أحكام القضاء. لا معقب لحكم الله. وليس لما نحن فيه من دون الله كاشفة. إن كنت لا أعقب على أحكام القضاء، فلي تساؤلات مشروعة ربما يقتضي ببعض القانونيين أن يوضحوها لأمة الله الفقيرة:  كيف يمكن لـ600 أن يقتلوا 55 شخصا ؟ وكيف يمكن لأربعين طالبا أن يقتلوا طالبا واحدا ؟

ارض الخوف

جبهة التهييس الشعبية - Tue, 06/05/2014 - 1:04pm
وكالعادة كنت ناوية اسكت واحط لساني جوه بقي، لان اللي حاقوله تحصيل حاصل، ولا حيزود ولا حينقص ولا حيفرق في حاجة ولا مع حد، وما قدرتش التزم بالفكرة ومش قادرة، قلت ابعبع وافضفضالمقدمة دي بخصوص تعليقي على حوار السيسيانا خفت قوي يا جماعةلا بجد خفت قوي... وبما اني خفت فانا مش ناوية اتجاوز في الكلام احسن ده بيزعل وقال حاستحمل وراح جازز على سنانهويبدو ان مش انا بس اللي خفت، ناس كتير خافت، بما فيهم لميس الحديدي واستاذي ابراهيم عيسى...

قوتنا في ركوبتنا

جبهة التهييس الشعبية - Wed, 22/01/2014 - 1:13pm
عارفين العميان في مسرحية وجهة  نظر لما طول المسرحية بياكلوا بالجزم واول ما جات ميسز بوكس لبسوهم هدوم انتيكة وحموهم وقعدوا يشرحوا قد ايه هم بيحبوهم وبيعطفوا عليهم؟ اهم ثوار 25 يناير زي العميان دول... على فكرة هم زيهم في كل حاجة، حتى في تصرفاتهم وهبلهم وطيبتهم، حتى في قلة عقلهم لما يصدقوا على بعض ادعاءات كدب، حتى في غباوتهم لما يتهموا بعض وكل واحد فيهم اعمى ويقول شوفت بعيني....

صوت صمت نزف نصف طائر

جبهة التهييس الشعبية - Wed, 15/01/2014 - 9:53pm
ملحوظة:البوست ده طويل بشكل غبي ومتعمد بهدف ان ماحدش يقراه غير اللي مهتم فعلا وعنده طاقة يقرا بوست طويل، لان من عادة اللجان الالكترونية - سواء اخوان او فلول - انهم ما يقروش حاجات طويلة، الوقت اللي حيستهلكوه في قراية بوست طويل، يخشوا فيه على تلاتين صفحة ويشتموا اكبر عدد ممكن من البشريات، ومن ثم، فما فيش وسيلة لتعجيزهم غير انك  تقطع نفسهم في القراية فييأسوا، وانا سيد من يقطع نفس القارئ وانا مش قاصدة، فما بالك وانا قاصدة، زي مثلا اني اكتب ملحوظة المفروض عرفا لا تتجاوز سطرين واعملها لحاف زي ما انتوا شايفين كده، ثم ان التجربة علمتني ان اللي مالوش خلق يقرا حاجة طويلة ما بيبقاش شخص ينفع

وثائق ويكيليكس تاني 1

جبهة التهييس الشعبية - Sun, 01/09/2013 - 9:55am
شرفت باني ابقى اول حد يترجم وثائق ويكيليكس اول لما نزلت، ونشرتها على الدستور الاصلي، بس يبدو إنه في سبب تقني خلا الوثائق تطير من على الموقععموما انا عندي الوثائق، جزء منها على الجهاز ده وجزء تاني على جهاز تاني عايز يتصلح بس انا وراه حاصلحه وانشرهم كلهموحابتدي باول وثيقة ترجمتها

عن السيسي والفرح الهيستيري والنكد البوز الاخصي

جبهة التهييس الشعبية - Tue, 02/07/2013 - 11:02am
ده انتوا ناس مبالغ فيكوا... هو يا الناس تفرح كاننا حررنا فلسطين يا الناس تزعل كأننا خسرنا كاس الامم الافريقية؟على فكرة كلنا مش عايزين حكم عسكري... حتى الناس اللي بتقول الجيش والشعب ايد واحدة مش عايزين حكم عسكري.. هم عايزين الجيش يتعامل مع مصر زي ما الظباط المتقاعدين بيتعاملوا مع مجلس ادارة نادي هليوبليس... او مجلس ادارة العمارة: يظبطها، ويوفر الفلوس اللي اتسرقت، ويشد على البواب شوية عشان ابتدا يتمرع، ويصلح الاسانسير، ويبيض مدخل العمارة، ويعمل كشف حساب لصندوق العمارة، والست اللي بتيجي تمسح السلم تخاف منه عشان تمسح كويس بفنيك مش بمية ريحتها وحشة وتكروت...

كده مش حينفع

جبهة التهييس الشعبية - Mon, 01/07/2013 - 10:43am
كده مش حينفع.. كده مش حينفع.. هو مش احتفال بكاس الامم الافريقية فرحانين قوي عشرين مليون نزلوا عشرين مليون نزلوا.. وبعدين؟ عندهم هانج اوفر من ليلة امبارح؟مش حينفع كدهوانا مش فاهمة تمرد راحت فين؟ المفروض تطلع بيان تقول للناس فيه الخطوة الجايةالناس لو ما نزلتش النهاردة حتبقى اقل من هوجة، حتبقى احتفال بماتش، وحتبقى مجزرة، وقبل ما الناس تلحق تلم نفسها عشان تنزل تاني حيتعمل حملة اعتقالات

دليل المصريين في فشخ المتأسلمين

جبهة التهييس الشعبية - Sun, 30/06/2013 - 2:04pm
ونحب نتوجه بخالص الشكر والعرفان لكل مواطن مصري انقذ رقاب الثلة ام لسان طويل من حبل المشنقة بنزوله النهاردهبصوا انا شخصيا الشعب المصري ده انقذني من حبل المشنقة مرتين، مرة ايام مبارك، لانه لو كان خستك ولا روح قبل ما مبارك يمشي كان في كام واحد كده لسانهم طويل قوي وناطحين في الحيط حيتشمطوا ويتحاكموا عسكريا ويتشنقوا ومن ضمنهم الفقيرة الى اللهالمرة التانية النهاردة.. بس مازال الخطر قائم، خصيمكوا النبي تكملوا جميلكوا ده انا ولية غلبانة وصحتي ما بقتش تستحمل زي زمان D:الى جانب ان الكام واحد اللي لسانهم طويل واللي من ضمنهم "البنت اللي بتشتم دي ترضى ان ابوها ال..

ممنوع موت الثوار البتة

جبهة التهييس الشعبية - Wed, 26/06/2013 - 12:30pm
كان في واحد على التويتر من محبي الجيش كاتب يقول ان الجيش مش حينزل ويخلصنا من الاخوان الا لما يحصل دم كتير.. فانا سألته: ويا ترى ده حيبقى دم مين؟ دمنا احنا برضه؟ ماهو لا انتوا ولا الاخوان بتموتوا.. فما ردش علياالحوار ده كان من ايام الاتحاديةالمهم سكت كده على الموضوع وانا حاطاه في باليوجه موضوع تمرد ده، اصحاب فكرة تمرد والداعين ليوم 30 اربعة من شباب الثورة كلنا عارفينهم ما تخلفوش عن ولا مظاهرة ولا اشتباكات.. وانا بنفسي شايلة محمود بدر ده من قدام مدرعة في العباسية..

تحذيرات ومراجعات قبل يوم 30 يونيو

جبهة التهييس الشعبية - Thu, 20/06/2013 - 9:02am
التحذيرات التالية واجبة لكل اللي نازلين سواء مستجد او قديم:

مرسي في ماتش اعتزاله: زمن اللللللللللل خلاص انتهى

جبهة التهييس الشعبية - Sat, 15/06/2013 - 8:45pm
انتوا قافشين قوي في موضوع اننا نمشي الاخوان ده؟ اصل انا راجعت نفسي ولقيت ان ماحدش ممكن يضحكني كده... طب ممكن تمشوهم وتعملوا لهم قناة فضائية مخصوص يطلعوا عليها 24 ساعة؟
استغفر الله العظيم.. ليه يا رب كده العبيط ده؟ احنا كنا عملنا ايه عشان ده كله؟ يا رب ده احنا غلابة يا رب

حسن مصطفى اخد سنة وانا جاي في بالي اهزأنا

جبهة التهييس الشعبية - Sat, 15/06/2013 - 10:33am
حسن مصطفى للي ما يعرفوش هو اللي طلع صورة خالد سعيد واول من نشر حكايتهوحسن مصطفى عمره ما تخلف عن وقفة ولا فاعلية من قبل الثورة وكان من اللي بيحشدوا للوقفات اللي بالاسود.. فاكرين لما كنا بنقف بالاسود عشان خالد باصين للبحر او النيل ومديين ضهرنا للشارع؟ واحمد موسى بتاع الجمهورية كتب يقول اننا ماسون؟

انا عمري ما كنت خروف.. ولا ف مرة طلعت صوف

جبهة التهييس الشعبية - Sat, 15/06/2013 - 9:27am
الاخوان نزلوا عصيدة جديدة عشان يرفعوا من روح الاخوان المعدنية.. والشخص اللي سمع العصيدة دي وفضل في الاخوان يستاهل اي حاجة تحصل له بعد كدهالعصيدة بعلوان انا اخوان:

كن مع الثورة

جبهة التهييس الشعبية - Fri, 14/06/2013 - 9:35am
بالنسبة للي عاملين ثوار وبيقولوا مش حننزل مع الفلول:
والله اذا ما كنتوش اخوان خلايا نايمة، وانا اشك في ذلك، فحضراتكوا ناس خونة وانانية... انتوا خايفين الاخوان لو مشيوا ييجي نظام يعمل فيكوا مصيبة
طيب انا اقولكوا... انا ما عنديش اي مشكلة ييجي نظام يشنقني في ميدان عام، بس يأمن منابع النيل، ويرجع سينا، ويأمن قناة السويس
وللاسف السبب في ان مطالبي تدنى كده هم الاخوان اللي انتوا بتدافعوا عن استمرارهم، ولما تقول مش نازل عشان فيه فلول نازلين تبقى بتدافع عن استمرار الاخوان

خاف يا عيد

جبهة التهييس الشعبية - Fri, 14/06/2013 - 7:14am
بصوا والنبي الاهبل ابن الامريكانية وتاجر العملة بيقول ايه؟


كل سنة واحنا طيبين بيك يا سيدنا الحسين

جبهة التهييس الشعبية - Thu, 13/06/2013 - 8:51pm
في هاذوها الظرف اللي مزاجي فيه متعكر، مناسبة سعيدة: النهاردة خمسة شعبان، عيد ميلاد سيدنا الحسينكل سنة وانت طيب يا جدو:)


أحب الله من أحب حسينايالا بالمرة الاخوان والسلفيين يتضايقوا عشان بنجيب سيرة سيدنا الحسين... مش عارفة بيتضايقوا من سيرته كده ليه؟ بس بالعند فيهم المصريين بيحبوا اهل البيت وحيفضلوا يحتفلوا بموالدهم دايما.. واهل البيت حيفضلوا معانا واللي مش بيحبهم هو اللي حيمشيD:

دليل المتظاهر الجديد

جبهة التهييس الشعبية - Wed, 12/06/2013 - 11:37am
احنا المرة دي نازلين مع مجموعة تعل قوي يا عيال.. بصوا.. عشان بس ما تنزلوش مزاجكوا متعكر اكتر ماهو ، هم مش افظع من الاخوان ولا حازمون اللي اتدبسنا في النزول معاهم قبل كده، يعني مثلا دمهم مش تقيل، اقفال شوية بس ممكن لو خدت واديت معاهم في الكلام تجيب نتيجة لانه ما بيسمعش كلام مسئول ولا ماشي ورا حد، هم ميزتهم انهم على باب الله زينا... بس العبط اللي هم فيه محتاج صبر مبدئيا الاخ والاخت المتظاهرين الجدد..

بالراحة شوية/ الثورة الاسلامية/ الشرطة/ لنكات مهمة

جبهة التهييس الشعبية - Tue, 11/06/2013 - 9:33am
خلاص بقى.. الشنا على الراجل وشردنا له بما فيه الكفايةقال كلام مالوش لازمة في اجتماع الحوار الوطني، وبعدين غلط غلطة كبيرة قوي قوي قوي قوي لما قبل يبقى وسيط بين الاخوان والفلولواتهاجم على التصرف ده واتألش عليه بما فيه الكفاية...

تام ترارام تام تام

جبهة التهييس الشعبية - Sun, 09/06/2013 - 10:31am
انا قلت استنى شوية وبعدين اكتب بوست عن موضوع الفلول ومشاركتهم في الثورة ال.... هي دي الثورة الكام يا ولاد؟ التالتة دي ولا الرابعة.. كتروا، بقوا عاملين زي عبورات مرسي، الراجل ينجح في الانتخابات يقول ده العبور التاني، يحضر مؤتمر يقول ده العبور التالت، يخش الحمام يقول  ده العبور الرابعبس احنا نقدر نقول ان دي الثورة التالتة، الاولى على مبارك، والتانية على العسكر، والتالتة على الاخوانالمهم انا كان ليا وجهة نظر في الموضوع ده وقلت اخش اكتبه..

تحضيرا ل30/6.. الرهان على غباء العدو

جبهة التهييس الشعبية - Sat, 08/06/2013 - 9:03pm
بصوا انا محرجة قوي اتكلم عن تحضيرات تلاتين ستة وانا عارفة اني مش حاحضرها لاني حابقى في الجنايات والله اعلم هم حيعملوا فينا ايه؟ بس شكلهم ناويين على حبسنا.. فحاسة اني يعني باعمل جنرال كازوزة وانا اغلب الظن حابقى في الحبس ومش حاحضر مع الناس لكن رجعت وقلت اهو اساهم بكلمة وانا يعني مش حابقى في مارينا ده انا حابقى في الحبس:)بالنسبة لتلاتين ستة انا ان شاء الله متفائلة جدا على عكس بقية الايام اللي نزلناها قبل كده وكنت بانزلها عشان باعمل الواجب مش عشان عندي امل ليه بقى المرة دي متفائلة؟

تمرد.. سحب الثقة

جبهة التهييس الشعبية - Sun, 12/05/2013 - 3:31pm
ولو اني ما منحتش مرسي اي ثقة، ولا غير مرسي، وافخر اني عملت كل حاجة غلط في حياتي الا اني انتخب واحد اخوانجي.. لا في شعب ولا في شورى ولا في رئاسةومع ذلك وقعت اهو على استمارة سحب الثقة هنا.. وبالنسبة للي عصروا لمون، وانا بالمناسبة متعاطفة معاهم ومتفهمة موقفهم..

جزاء سنمار

جبهة التهييس الشعبية - Fri, 10/05/2013 - 7:26pm
قريت خبر القبض على احمد ماهر من المطار، وافتكرته تهييسة او اشاعة لحد لما لقيت الوطن والمصري اليوم وكل المواقع كاتبة ان ماهر اسمه كان على قوائم ترقب الوصول وهو راجع من امريكا اتقبض عليه في المطار... انا مش عارفة اقول ايه.. اي كلام حيتقال حيبقى حاجة مش حتعبر عن الاحساس اللي جوايا.. قعدت على التويتر اتف على مرسي وبعدين دخلت نمت وانا نايمة حلمت اني باكلم واحدة صاحبتي في التليفون وعمالة ازعق واقولها: احمد ماهر يتقبض عليه من المطار زي المهربين؟ احمد ماهر اللي لولاه كان زمان شفيق رئيس جمهورية دلوقت مرسي يحبسه كده؟

Pages

Subscribe to جبهة التهييس الشعبية