You are here

الله.....الوطن.....ام الخلول

الله.....الوطن.....ام الخلول
Checked: 1 hour 58 min ago
Updated: 5 years 6 months ago
Update every: 2 hours

كتاب السخرية في مصر من اول النديم وصنوع وبيرم التونسي الي محمود السعدني و مرورا بجيل الشباب عاصم حموده , بلال فضل وغيرهم في يومنا هذا مربوطين كما الامرأة الفاسدة فسقف الحرية للكاتب الساخر أدني من غيره من الكتّاب و يخطئ من يظن أن الساخر سليط اللسان فقط .. إنه سليط العقل والذكاء أيضاً وليس أمامه سوي الاحتيال حتي لا يكون مصيرة احدي محابس امن الوطن
Subscribe to الله.....الوطن.....ام الخلول

ضمائر الشياطين

الله.....الوطن.....ام الخلول - Mon, 07/01/2013 - 9:25am
الفكر المتشدد ، والخطاب الديني المخجل هم من أضعفو هيبة الدين في أذهان الناس , اكثر الناس استخفافا بالدين هم المعاتيه الملقبين مجازا بشيوخ الفضائيات.. من اقنعو البسطاء بان الدين هو الثعبان الاقرع في القبر و عدم قبول القبور بدفن بعض المونى لذنوب فعلوها...
او مدخن جاء وقت تغسيله فوجدوه  اسود اللون او فتاة كانت ترتدي بنطلون في الدنيا ولم تستطيع المغسله خلعه وكثير من الحكايات الشبيهه بما كان يفعله المرجفين و كهنة المعابد قديما للسيطره علي عامه الناس بالخرافات...

السياسه للجميع

الله.....الوطن.....ام الخلول - Tue, 11/09/2012 - 12:41pm
السيدة الفاضلة هي السيده اللي فاضله معاك في البيت لحد دلوقت
الشريط الحدودي: الشريط الجاي لتامر حسني 
التربيه و التعليم: كان في وزاره بتقوم بيها دلوقت بيقوم بيها تجار المواشي وبيعلمو البهايم بختم احمر علشان ما تتلخبطش علي بعض  العصيان المدني :هو ان تضرب الدولة المواطنين بالعصيان
شهاده الايزو: دي شهاده مضروبه بتشتريها الشركات زي ما الفلاحين بيشترو شهاده نحو الاميه ب10 قوالح دره 
قطاع الاعمال: ميفرقش عن قطاع الطرق 
التعمير: عمليه دقيقه تتم في الغرز والشوارع الضلمه 
صندوق النقد: ميفرقش كتير عن صندوق الزباله 

الثوري والثورجي و الطرشجي

الله.....الوطن.....ام الخلول - Sun, 20/05/2012 - 8:55am
 أقابل في خضم أحداث الثورات العربية الكثير من الثوار، وتمكنت بعد الفحص الجيد أن أميز بين صنفين بارزين، الثوري والثورجي

عامين علي رحيل شيخ منصر المضحكاتيه

الله.....الوطن.....ام الخلول - Fri, 04/05/2012 - 10:08am

"الولد الشقي"
اذا كنت لا تعلم من هو محمود السعدني

فلا تحمل نفسك مالا طاقة لها بة وتتكبد عناء قراءة التالي اشقي ولد عرفة العالم العربي

مشروع النهضه ينافس مترو الانفاق

الله.....الوطن.....ام الخلول - Sun, 29/04/2012 - 2:20pm
‏ اول تصريح لمرسي و الشاطر بعد اجماع حزب النور علي دعم ابو الفتوح

فتوحات حمله لازم حازم

الله.....الوطن.....ام الخلول - Sat, 14/04/2012 - 1:29pm
انصار الشيخ حازم يحاصرون محل حلاق الشيخ علشان خفله السوالف اشاعه مفادها ان انصار الشيخ حازم يحاصرون اداره المرور علشان الشيخ اخد نمره لوحه عربيه معجبتوش انصار الشيخ حازم يحاصرون منزل الشيخ حازم بعد تردد انباء ان مراته عملت له السلطة ناقصة ملح أنصار ابو اسماعيل يحاصرون محل كشري بعد ان لم يتم اضافة دقة كفاية في الطبق الكمالة لابو اسماعيل أنصار الشيخ حازم ابو اسماعيل يحاصرون هيئة الأرصاد الجوية...

لا يأس مع الحياة ولا حياة مع الاخوان

الله.....الوطن.....ام الخلول - Tue, 20/03/2012 - 11:56am
يتباهى الاسلامجيه باقتراب الإخوان من السلطة في مصر، وتعبيرهم عن هذا الامر في مصر و الخليج ملحوظ، الذين تعلمو السكوت والتقية طويلا، فهم يعتقدو ان مصر علي ابواب خلافه جديده تحكمها دوله دينيه جايز مصر الان علي ابواب حكمها الاخوان و السلفيين لكن هي مرحله المخاض والتي تسبق الولاده فربما يأتي الجنين من فصيل اخر، وقد يأتي مولود مرتبك مفضوح فالاخوان يعانو من صدمه وصول السلطه لايديهم بهذه الطريقه و السرعه.

وكان في العرب يوما ابن الهيثم واصبح اليوم لدينا هيثم

الله.....الوطن.....ام الخلول - Sun, 11/03/2012 - 6:16am

للاسف اختلط مفهوم العالم مع الداعي فاصبح من يتنطع علي الناس بدينه ويحلل ويحرم كيفما ترأي له عالم جليل العيب مش عليهم العيب علي النفوس الرخوه اللي بتعتقد ان باتباعها للحيه وتوب وغطاء للرأس ودمعه تفر مع كل ذكر لله
هو ده مفتاح الجنه

مصر فرشحت في الارض

الله.....الوطن.....ام الخلول - Sun, 04/03/2012 - 7:23am

هل كره الاحزاب جريمه, او يغضب الله؟؟ هل مشكلتي ان الاحزاب دي ربطت اسمها بالدين ؟؟؟

ومات ساحر الكلمه

الله.....الوطن.....ام الخلول - Tue, 14/02/2012 - 5:14am
لم يعد هناك احد يضحكني بعد رحيل عمي محمود السعدني وخالي جلال عامر

رجل الدين و رجل التين الشوكي

الله.....الوطن.....ام الخلول - Wed, 25/01/2012 - 2:01pm









كان مصطفي محمود واحد من اشهر التائهين الباحثين عن الحقيقة لقد انار من البقع السوداء الكثير و الكثير
- كان تحوله من الفكر اليساري المادي إلى التدين ضربة قاصمة لليساريين العرب، ودعما ً هائلاً للتيارات الإسلامية في العالم.
احتاج الي الكثير و الكثير لكي اسرد ايادي الرجل البيضاء فيكفي برنامجة الاشهر العلم و الايمان الذي كان ينتظرة الصغار قبل الكبار

رجاءاً احشر مناخيرك

الله.....الوطن.....ام الخلول - Wed, 18/01/2012 - 10:13am
يموت الشعب المصري ويحشر مناخيرة وشفاتيرة واي عضو مدلدل في اللي ملوش فيةجواز طلاق خلفة موت ولادة اي حاجة الشعب كلة راشق.حتي اكابر البلد اللي البعض منهم مشرف في طرة والبعض الاخر مستني لما سرير يفضي علشان يحصل اخواتة الشعب مش عاتقهم, يا اخوانا اتقو الله ودعو الخلق للخالق وخصوصا لما يكون الموضوع عائلي يعني وحاجات علي الضيق ما يصحش نخش في كل حاجة كدةيعني حصل اية يعني لما الواد الغلبان علاء مبارك اتجوز من هيدي ابنة رجل الأعمال مجدي راسخ اللي اشتغل مع رجل الأعمال محمد نصير صاحب "فودافون" و هاستفيد اية يعني لما نعرف ان مرات راسخ هي ميرفت قدري وجدها هو ابن خال عثمان أحمد عثمانواخت مرات علاء مجوزة

لميس بية جابر

الله.....الوطن.....ام الخلول - Wed, 18/01/2012 - 7:27am
بعد التصريحات اللوزعية لفاتنة عصرها ساحرة قلوب الرجال
لميس بية جابر
ان الكتب اللي اتحرقت في المجمع العلمي اهم من شرف بنات مصر كلهم
انا شايف انها تركز جوة بعد ما انتشرت اشاعات ان الفخراني شاذ وكيف سمح القضاء المصري بزواج ابناء الجنس الواحد
اكد بعض الخبثاء ان
يحي الفخراني كل يوم خميس و كل ما لميس تبصله يقولها يا لميس اللي بتطلبيه دة عيب و حرام وتتهزله سبع سماوت

اللهم اضرب المهابيل بالمعاتية و اخرجنا من بينهم سالمين

الله.....الوطن.....ام الخلول - Mon, 09/01/2012 - 2:14pm
الظاهر كدة اننا مكناش مقدرين حسني مبارك كفاية, انا مكنتش اتخيل و اتصور ان الراجل بالصحة دي كلها علشان لا مؤاخذة ذرب كل العيال دي دة ابناء مبارك يعملو بتاع 10 الاف ابن كلب
العبيط اللي فيهم اطول مني بشبر, المهم بيقولك يا سيدي وما سيدك الا انا خبر في الدستور بيقولك
ابناء مبارك نزلو دعك و طحن في جماعة احنا حمير يا ريس,, عفوا احنا قابضين يا ريس,,, لا احنا اسفين يا ريس.
امام باب اكاديمية الشرطة اللي بتم فيها محاكمة مبارك هو وجوز الخيل اللي مخلفهم .

انا رجعت يا بني ادمين

الله.....الوطن.....ام الخلول - Sun, 08/01/2012 - 10:33am

انا رجعت يا بني ادمين الجعان التلاتين عشر رجع بعد صد محاولة العدوان الغاشمة من المأجورين والعملاء و الفلول و اللجان الاكترونية وبتوع احنا اسفين يا ريس و احنا قابضين يا ريس و احنا حمير يا ريس .

المقر الرئيسي لتويتر

الله.....الوطن.....ام الخلول - Wed, 28/09/2011 - 6:59am
انا عارف ان انتو مش متعودين علي النوعية دي من المواضيع في المدونة وخصوصا وانها اشتهرت بلسانها الزالف ,ولكن حبيت اشاركو صور مقر تويتر الرئيسي اللي ميفرقش كتير عن صور مقر مجمع التحرير او اي مركز شباب بمركز السنبلاوين

العالم في عرض مصر

الله.....الوطن.....ام الخلول - Tue, 09/08/2011 - 10:59am

صدق الحجاج بن يوسف الثقفى حين قال عن المصريين فى وصيته لطارق بن عمرو حين صنف العرب فقال عن المصريين لو ولاك امير المؤمنين امر مصر فعليك بالعدل فهم
قتله الظلمة وهادمى الامم وما اتى عليهم قادم بخير إلا التقموه كما تلتقم الام رضيعها وما اتى عليهم قادم بشر إلا أكلوة كما تأكل النار اجف الحطب
وهم اهل قوة وصبر
وجلدة وحمل
و لايغرنك صبرهم ولا تستضعف قوتهم
فهم إن قاموا لنصرة رجل ما تركوه إلا والتاج على رأسه
وإن قاموا على رجل ما تركوه إلا وقد قطعوا رأسه
فأتقى غضبهم ولا تشعل نارا لا يطفئها إلا خالقهم

حرية برائحة التفاح

الله.....الوطن.....ام الخلول - Sat, 19/03/2011 - 5:49pm

النهاردة يوم تاريخي

ما اعتقدش انة حصل في تاريخ الدول العربية وربما بعض الدول الغربية

ان 40 مليون تقريبا ممن لهم حق التصويت علي الاستفتاء الدستوري

خرجو ووقفو طوابير اكبر من طوابير العيش و الغاز والتامين الصحي والمعاش

من غير ما يكون حد قابض علشان يقف

مش ممكن دة احنا نطينا 100 سنة النهاردة بس

انا متهيألي ان من ساعة حكم عيد الناصر لحد مبارك فترة لازم تسقط مننا ونبتدي بعد فاروق مباشرة ليوم 25 يناير

الله ...الوطن...الشعب

الله.....الوطن.....ام الخلول - Fri, 11/02/2011 - 10:30pm
اليومالحادي عشر من فبراير من العام الحادي عشر بعد الالفية الثانيةوبعد مرور سبعة عشر يوما منذ بدأت الثورة اليوم الخامس و العشرون من ينايراعلن محمد حسني مبارك تنحية عن السلطة وتسليم سلطاتة للمجلس الأعلي للقوات المسلحة
الله ...الوطن...الشعب

هذا الشبل من ذاك الاسد

الله.....الوطن.....ام الخلول - Mon, 07/02/2011 - 5:47pm
ربما لست بمصر حاليا ولم استطع ان اكون متواجدا بشخصي مع المصريين الحقيقين
الذين طالما افتقدتهم افتقد بسمتهم وحسن خلقهم وخوفهم علي الكبير قبل الصغير علي تنظيمهم وعلي نظافتهم وهو ما اثبتتة الثورة ان المصريين لم يتغيرو ولكن اثقلتهم هموم وطن افسدة الطغاةافسدة رئيس واطفالة المعجزة وزوجة متسلطة وعصبة منافقة مما احالو البلد لمرتع لهم ولامثالهم ممن كانو في القاع وصعدوا للقمة علي اكتافنا وعلي اجساد شهدائنا

حقيقة ما حدث يوم 25 يناير

الله.....الوطن.....ام الخلول - Fri, 04/02/2011 - 6:57am
لكل المتخاذلين اللي بيطالبو بالعودة وان مبارك يجب ان يخرج خروج نضيف كريم ادعوكم لمشاهدة الفيديو دة ادعو اهاليكم يشوفو الفيديو دة دة عن اول ساعات في المظاهرة السلمية يوم 25 وكيف قام الامن بمعاملة الناس كما لو كنا في حرب لكل متخاذل مستني الدفا ولقمة عيشة وينام وتعب من الوقفة يحرس بيتة شوف دة شوف موت المصريين اللي زيك اللي كنت بتقعد جنبهم في الكافيهات والقهاوي واللي كانو بيقفو في طريق المطار
اللي كانو بيطلعو المقطم شوفهم وربك بيغفرلهم وبيلقوة شهداء
والفيديو التاني سيارة مجهولة يقال انها ديبلوماسية تابعة للخارجية تدهس فوق ال 20 انسان يوم 28 يناير



Pages

Subscribe to الله.....الوطن.....ام الخلول