You are here

skylight - لكل نساء الشرق

skylight - لكل نساء الشرق
Checked: 2 hours 28 min ago
Updated: 2 hours 28 min ago
Update every: 2 hours

لكل نساء الشرق
Subscribe to skylight - لكل نساء الشرق

الشعب اللى مصدق!!

skylight - لكل نساء الشرق - Wed, 29/10/2014 - 6:09am

نفس الشعب اللى صدق اعلام عبد الناصر ومخابراته ومراكز قواه .. نفس الشعب اللى صدق اننا انتصرنا ف يونيو ٦٧ رغم احتلال سيناء .. هو نفس الشعب اللى صدق ان الاخوان قتلوا السادات رغم ان المتهمين باغتياله جميعا ظباط مخابرات حربية .. هو نفس الشعب اللى صدق ان مبارك مكانش يعرف بالفساد والظلم وان ابنه ومراته همة السبب ف الثورة ..رغم انه استمر ٣٠ سنة فى الحكم .. هو نفس الشعب اللى صدق ان ثورة يناير مؤامرة .. وان ابنائهم من الثوار خونة وعملاء .. نفس الشعب اللى صدق ان حماس جت من بلدها قتلت المتظاهرين على كوبرى قصر النيل لتمنعهم من الاعتصام !! هو نفس الشعب اللى صدق ان ٣٠يونيو ثورة ..

تجربتى مع ابنتى .. ومشكلة قضم الأظافر

skylight - لكل نساء الشرق - Tue, 09/09/2014 - 4:17pm


بدأت الاحظ ان أظافر ابنتى الصغيرة لا تنمو .. كلما حاولت قصها لا اجد لها أظافر .. فى البداية كان أظفر الابهام ثم تلاه أظافر اخرى .. وكانت تقضمهم قبل النوم ثم اصبحت تقضمهم تلقائيا عندما تتوتر .. وتطور الامر حتى اصبحت تقضم جميع اظافرها باستمرار ..
وقبل ان اتخذ اى اجراء او ان اعلق اى تعليق .. دخلت ع النت عملت سيرش فى كيفية التعامل مع تلك المشكلة .. و وجدت بالفعل كثير من النصائح كان أولها عدم نهر الطفل وتوبيخه على اى عادة سيئة لان هذا يزيد من توتره ويزيد من تمسكه بتلك العادة .. وعدم التحدث عن هذا سلوك مع الآخرين أمامه لان هذا يؤكد على السلوك السىء ..

رسالة للستات عشان همة نور عنينا

skylight - لكل نساء الشرق - Mon, 18/08/2014 - 10:48pm

بما ان اغلب الرجالة بتروح الشغل واغلب الشركات جايبة مولدات فأنا هوجه كلامى للستات عشان همة نور عنينا ،،
بالنسبة للغسيل اللى بيقعد ف الغسالة باليومين والتلاتة .. تنزلى تشترى طشت غسيل وشوية برسيل يدوى وامرشى الغسيل على ايدك .. دى الايد البطالة نجسة
بالنسبة للكنس .. انسى المكنسة .. مالها المقشة .. دى حتى عفارها هيفكرك بأرض مصر الطاهرة ..
بالنسبة للطبيخ .. استخدمى وابور الجاز .. اهو منه ينور ومنه يدفى ومنه يطبخ
بالنسبة للمية .. عارفة انها بتقطع عشان المواتير بتقف .. تجيبى البستلة ام حنفية وتعبيها لوقت الزنقة

تقولى ... اقولك

skylight - لكل نساء الشرق - Mon, 18/08/2014 - 2:51pm

تقولى ايه سبب قطع الكهربا؟؟
اقولك مفيش بترول يشغل محطات الكهربا 
تقولى ليه مفيش بترول؟؟
اقولك مفيش فلوس ولا دعم
تقولى لماذا؟؟
 اقولك  دخول العسكر الحكم فى اى دولة فى العالم -سواء مقتنع او مش مقتنع- ترجمته فى القانون الدولى "انقلاب عسكرى"
 تقولى بس دى ثورة شعبية!! 
اقولك تبقى انقلاب لما العسكر ياخدوا الحكم 
تقولى بس السيسى نجح بالانتخابات!! 
اقولك مكانش مفروض اصلا يترشح 
تقولى ما هو قلع البدلة العسكرية ولبس مدنى يبقى مدنى!! 
اقولك دة عند الست الوالدة ولا مؤاخذة مش عند الدول المتخصرة

العنف لا يولد الا العنف

skylight - لكل نساء الشرق - Wed, 13/08/2014 - 1:25pm

كنت من معارضى نظام مرسى .. ايقظنى زوجى يوم ١٤ اغسطس ليخبرنى فى كلمات مقتضبة "فضوا رابعة بالقوة" .. وشعرت كأن جبلا سقط على رأسى فجأة .. وظللت اردد عبارة واحدة لم استطع ان انطق بغيرها "يا نهار اسود .. يا نهار اسود .. يا نهار اسود ..." 

المتزوحون "٣"

skylight - لكل نساء الشرق - Thu, 07/08/2014 - 11:52pm
فى فيلم لفؤاد المهندس يقوم عبد المنعم مدبولى بدور طبيب نفسى .. نراه يعالج مريض عنده عقدة من قصر القامة فينصحه ان يردد "انا مش قصير قزعة .. انا طويل واهبل " .
ولمن لا يعرف دى نظرية موجودة فعلا ابتكرها طبيب نفسى ألمانى .. وكانت شكوى كثير من الازواج انهم مبقوش حاسين بالحب تجاه زوجاتهم .. فكان بيطلب ان كلا منهم يوميا يقف امام المرآه ويردد " انا بحب زوجتى فلانة عدة مرات " .. وبالفعل الطريقة نجحت وعاد اليه الازواج يشكرونه على انهم رجعوا يحبوا زوجاتهم ..

المتزوجون "٢"

skylight - لكل نساء الشرق - Wed, 23/07/2014 - 6:04pm
كلمة "نكدية" كلمة يرددها دائما الرجال عن زوجاتهم .. طيب تعالوا كدة نشوف معنى الكلمة دى !
النكَد فى معجم مختار الصحاح هو : كل شىء جر على صاحبه شر او جعل الامر صعبا وعسيرا
يعنى الكلمة فيها نوع من التهديد .. يعنى ايه ؟؟ فلنعط مثال لذلك.. من مواقف تحدث فى كل البيوت تقريبا
عندما تتأخر الزوجة فى ارتداء ملابسها وهى خارجة مع جوزها .. فيبدأ الزوج يزعق ويبرطم ويهلل .. فتغضب الزوجة وتعتبر ذلك اهانة .. طب والله ما انا خارجة .. فيصفها زوجها بالنكدية
عندما يعود الزوج متأخرا كل ليلة .. تغضب الزوجة وتزعق وتبرطم وتهلل .. فيبدأ الزوج ويتهمها انها نكدية

المتزوجون "١" ..

skylight - لكل نساء الشرق - Sun, 20/07/2014 - 5:00am

شىء جميل لما يكون اعز اصدقاءك هو شريك حياتك .. كتير بيتصور كل طرف انه بعيد عن الطرف التانى .. او انه مش صديق حقيقى .. وكتير بنخبى حاجات عن شركاء عمرنا سواء كنا ذكور او اناث .. ولو فكرت شوية هتلاقى ان كل طرف بيخبى عن التانى الحاجات اللى لو عرفها ممكن تزعله .. ودة معناه اننا مازلنا بنهتم بزعل بعض .. والاهتمام فى حد ذاته حب .. الاهتمام مش بس اننا نضحك فى وش بعض او اننا نخرج مع بعض او اننا نقول كلام حلو لبعض .. الاهتمام فعل .. ومفيش اهتمام اكتر من انك تخاف على زعل شريك حياتك ..

حدث بالفعل

skylight - لكل نساء الشرق - Sat, 19/07/2014 - 5:02am
اعتبر نفسى دودة قراءة .. اقرأ كل شىء وعن كل شىء بنهم شديد .. واشتريت كتاب عن قراءة الكف و كان لى صديق مقرب اسمه ايهاب  حسام .. صديقى الانتيم .. فقالى مازحا .. اقرى لى كفى بقى طالما قريتى كتاب عن قراءة الكف .. وامسكت بيده و وجدت خط العمر طبقا للكتاب .. تقريبا قد انتهى .. فقلت له مداعبة .. الكتاب طلع سكة لان المفروض انك تكون دلوقتى ميت .. وقد توفى فى حادث سيارة بعدها بأيام !!!
بعد سنوات 

عزيزتى الزوجة .. هيعملها تانى ليه ؟؟

skylight - لكل نساء الشرق - Thu, 17/07/2014 - 11:12pm
عزيزتى الزوجة
متزعليش لو جوزك مبيفكرش يبعتلك رسالة حب ..
متزعليش لو جوزك مبيفكرش يطلب منك الخروج معاه "من غير العيال"
متزعليش لو جوزك مجابلكيش هدية ف عيد الحب
متزعليش لو جوزك مبصش ف عنيكى من سنين
متزعليش لو جوزك بطل يسألك عن اللى بتحبيه او اللى بتكرهيه او حتى اللى نفسك تعمليه

هو كان بيعمل الحاجات دى قبل الجواز عشان يوقعك فى حبال الهوى الدايبة ويتجوزك
وطالما انه دلوقتى .. بيرجع كل يوم يلاقيكى مراته .. هيعملها تانى ليه ؟؟؟

لماذا لن أعط صوتى للإخوان؟؟؟

skylight - لكل نساء الشرق - Tue, 29/11/2011 - 1:13am

الإخوان المسلمون .. انتهازيين على أعلى مستوى .. وعلى فكرة مفيش بينى وبينهم حاجة وشبابهم زى الفل انما بيستبعد رأيهم .. والرأى رأى مكتب الإرشاد .. والشورى شورة مكتب الإرشاد والمرشد العام

الشباب كانوا عايزين ينزلوا معانا يوم 25 يناير .. ورفضت الجماعة المشاركة .. ولما نزل الشباب يوم 28 يناير وبدأت الثورة تنجح ... أعلن مكتب الإرشاد ان الجماعة شاركت بينما لم ينضم الإخوان رسميا الى التحرير الا فى الثلاثاء الأول من بدء الثورة .. دة اول شىء ضايقنى منهم

المرأة لن تعود الى الخلف

skylight - لكل نساء الشرق - Mon, 31/10/2011 - 12:35pm

المرأة لن تعود الى الخلف بعد ما حققناه من مكاسب فى الثورة

المرأة شاركت واستشهدت واعتقلت وانضربت واصيبت

ووقفنا نحمى الميدان فى لجان على المداخل والمخارج

لم نتفرغ للتمريض والطعام .. بل أتينا بكل الأسرة

واصطحبنا أبنائنا غير عابئين بما يمكن ان يحدث

سأحكى لكم عن نماذج رايتها فى يوم جمعة الغضب 28 يناير

فتش عن الجنس فى أزمة قرية صول - مركز أطفيح

skylight - لكل نساء الشرق - Thu, 10/03/2011 - 3:49pm

رحنا أطفيح امبارح

على فكرة ... كان معانا

زياد العليمى - المخرج خالد يوسف - الفنانة بسمة - ناصر عبد الحميد - جورج اسحق - الشيخ محمد حسان - الشيخ صفوت حجازى - عمرو حمزاوى - دينا ابو زيد وغيرهم كتير من ثوار 25 يناير وأنا وزوجى طارق على ، وكلهم سمعوا القصة دى من رجال القرية ونساءها

الحكاية غريبة وتنفع فيلم كما ساعد على اشعالها اياد خفية

واحد مسيحى ظبطوه مع بنت مسلمة

يا حلاوة يا مصر

skylight - لكل نساء الشرق - Tue, 08/02/2011 - 6:51am

كنت أمام التليفزيون أنا وزوجى عندما أذاع خبر رحيل بن على بعد قيام ثورة الياسمين فى تونس

ورغم أن زوجى ليس له علاقة بالسياسة من قريب او بعيد بل يتجنب الحديث عن مصر وسياساتها ، الا انى وجدته يصمت وتدمع عيناه

ثم قال بفرحة ممزوجة بالتعجب والاعجاب جملة لن أنساها ما حييت

قال بالحرف الواحد :: يا حلاوة يا تونس .. ثم أخذ يرددها عدة مرات

قلت له لماذا نحن خانعون هكذا ؟؟؟ والله التوانسة رجالة

جمعة الغضب

skylight - لكل نساء الشرق - Sun, 06/02/2011 - 12:04am
توجه زوجى للصلاة فى مسجد مصطفى محمود وتوجهت بعد ذلك مع صديقتى أمانى لترك السيارة فى نادى الصيد
اتمشينا حتى ستارباكس وجلسنا فى انتظار الصلاة تخلص وننطلق
حرصت على أن آخذ معى زجاجة مياه - زجاجة خل - شال يساعد على تغطية الوجه - قطرة مطهرة للعين - مناديل مبللة - مناديل ورقية
بمجرد ما الصلاة انتهت بدأت الهتافات وانطلقنا فى شارع جامعة الدول يحيط بنا رجال الأمن المركزى من كل جانب
فى المظاهرة لا يوجد قواد ولكن الحماس يأخذك فجأة فتبد

الحياة ............. الموت

skylight - لكل نساء الشرق - Sat, 28/08/2010 - 5:34pm

جلست على أريكتها وقطتها بجوارها .. لا تليفون بيرن ولا باب بيخبط

لم يعد احد يزورها منذ مدة طويلة ولم تعد تدق تليفوناتها الا فى المناسبات

تضع على ساقيها الدقيقتين اللاب توب وتحاول التواصل مع العالم من حولها بلا جدوى

تغوص فى ذكرياتها

تتذكر كيف كانت يوما ما شابة .. جميلة .. يافعة .. قوية .. منطلقة بلا حدود

لا يحول بينها وبين اهدافها حائل

تتذكر ساقيها وهى تنطلق لتسابق الريح وهى طفلة تلهو بلا هدف

العادات الجنسية السيئة للرجال

skylight - لكل نساء الشرق - Wed, 09/06/2010 - 11:46am
كثير من المقالات والكتب تحاول توضيح الأمور الجنسية وتعريف كل جنس بالآخر سواء ذكر أو أنثى لكن الحقيقة ان غالبية الرجال عارفين كويس ايه اللى يبسط المرأة ويمنحها الشعور باللذة الجنسية لكن بيستهبلوا

اللذة تختلف عن الذروة ... اللذة ان الناس تستمتع بالممارسة ... الممارسة نفسها ...
اما الذروة هى الوصول لدرجة النشوة القصوى والتى تلى الشعور باللذة
-------------------------------------------
تعالوا نشوف ايه العادات السيئة اللى بيقع فيها الرجال عادة فى علاقتهم الجنسية
لو سألت أى راجل عن المرأة وما يمتعها هيقولك كتير وقليل
المشكلة انه عادة حافظ ومش فاهم

مصر هتفضل غالية عليا

skylight - لكل نساء الشرق - Wed, 23/12/2009 - 9:49am
قررت بعد احداث ماتش مصر والجزائر فى السودان ان اصنع اكبر علم فى العالم
أكبر علم فى العالم لازم يكون مصرى
وبالفعل اتخذت خطوات جدية فى تنفيذ المشروع
سجلت فى موسوعة جينيز للأرقام القياسية
سجلت الفكرة فى الشهر العقارى
انشأت جروب على الفيس بوك تحت عنوان
المصريون يصنعون أكبر علم فى العالم

كلنا فتيات ليل

skylight - لكل نساء الشرق - Tue, 01/12/2009 - 5:15pm
كيف تصدق امرأة خانها زوجها انه يحبها؟؟ .. وأن الأخرى مجرد انثى للمتعة !!
ومن منا نحن النساء لا ترغب بشدة فى أن تكون أنثى للمتعة ..
ان هذا هو جوهر الزواج وإلا كان الناس حبوا وبس وبلاهة بقى جواز ..
***
بعيدا عن العواطف هناك حقيقة تقول أن فى داخل كل امرأة فتاة ليل وداعرة تبحث عن زبون دائم يؤمن لها حياة ..

نحن نستخدم حيواناتهم المنوية لنحصل على الصغار

skylight - لكل نساء الشرق - Thu, 08/10/2009 - 5:20pm
لماذا تصر المرأة على ان تنادى بالمساواة وتقلل من شأن نفسها؟؟؟
هم أدنى منا ... وما يفعلونه فى الحياة هو الأصعب والأقل شأنا وليس ما نفعله نحن
نحن نحمل البشرية كلها فى احشائنا
نحن نبدع فى بقائهم احياء بعد ولادتهم
نحن نصنع شخصياتهم ونكونها بأنفسنا
نحن نستخدم حيواناتهم المنوية لنحصل على الصغار

الستات فى مصر واكلينها والعة

skylight - لكل نساء الشرق - Mon, 06/07/2009 - 2:59pm
أوضاع المرأة المصرية بالأرقام والإحصائيات من الجهاز المركزى للتعبئة والاحصاء - سبتمبر 2008 - بلغت نسبة الذكور 51,1% فى تعداد 2006 من عدد السكان ونسبة الإناث 48,88% وانخفاض متوسط عدد أفراد الأسرة فوصل إلي 4,18%

حبيبة ماما .... سما

skylight - لكل نساء الشرق - Wed, 10/06/2009 - 2:25pm



أجمل البنات .... تمت 5سنوات
******
سما

البقاء لله وحده

skylight - لكل نساء الشرق - Tue, 19/05/2009 - 12:03pm


انا لله وانا اليه راجعون

مات حفيد الرئيس.. محمد علاء محمد حسنى مبارك

يا رب صبر أهله

Pages

Subscribe to skylight - لكل نساء الشرق