You are here

وشــوشـــات

وشــوشـــات
Checked: 2 hours 15 min ago
Updated: 12 years 7 months ago
Update every: 2 hours


Subscribe to وشــوشـــات

نقل المدونة

وشــوشـــات - Fri, 01/02/2008 - 10:11pm
http://washwashatola.blogspot.com/ بعد محاولات فاشلة اني اكتب تدويناتي هنا و هناك.. لقيت انه الأفضل اني أركز في مكان واحد.. و لقيت انه الأفضل يكون هناك.. زورونا هناك تجدوا ما يسركوا

عامٌ من التدوين

وشــوشـــات - Sun, 04/11/2007 - 4:36am
بالصدفة و انا باتصفح المدونات لقيت تدوينة للآخ الفاضل عصفور المدينة بيتكلم فيها عن انه تم عام تدويني يوم 2 نوفمبر، و بابص انا كمان لقيتني بدأت تدوين قبله بيوم، يعني بقالي سنة في عالم التدوين. أول ما بدأت تدوين بدأت هنا، و بعدين فضلت شوية مش كتير هناك في وشوشاتي البلوج سبوتية و بقالي [...]

خــاطــرة

وشــوشـــات - Tue, 18/09/2007 - 11:07pm
بقالي فترة الخاطرة دي في دماغي و مش عارفة أبلورها في كلام.. انما ها قد آن الأوان، و اسمحوا لي ان أسطرها بلغة عامية بسيطة على قدر فهمي يعني اللي يتأمل في سورة يوسف و قصة النبي العظيم ده يلاحظ انه بعد ما صمد امام إغراء امرأة العزيز و استغاث بربه انه ينجيه من فتنتها [...]

دعواتكوا لأخونا الدكتور صاحب مدونة استراحة محارب

وشــوشـــات - Tue, 28/08/2007 - 4:01am
بقاله فترة غايب.. من أول الشهر تقريبا قلت اسأل عليه.. اصل الدكتور معرفة قديمة، يعني مش من خلال التدوين بس.. هي معرفة نت برضه، بس من سنة 2002.. سألت عليه و كان هذا رده: ((و عليكم السلام و رحمة الله و بركاته جزاك الله خيرا عن السؤال.. بس كام ظرف حصل منها حادث سيارة و ربنا بيستر [...]

وحشتنا يا أستاذ مطاوع

وشــوشـــات - Sun, 05/08/2007 - 5:24am
        مقالة رثائية بقلم الأستاذ عزت السعدني، كتبها في أهرام السبت التالي لوفاة أستاذنا الراحل عبد الوهاب مطاوع.. انا عن نفسي باعتبرها من أكثر ما كتب عنه تأثيرا.. رحمك الله يا استاذي و.. واحشنا. ((نحن نأتي إلي الحياة مغمضي العينين مسلوبي الإرادة لا نعرف من أين أتينا‏..‏ ولم‏..‏ ولا ندري إلي أين المصير؟

سؤال برئ بمناسبة ذكرى ثورة يوليو

وشــوشـــات - Mon, 23/07/2007 - 8:44am
هي الثورة بالطريقة اللي قامت بيها دي يبقى اسمها ثورة؟ و لا اسمه انقلاب عسكري او انقلاب الجيش على الحاكم و قلب نظام الحكم و تحويله من ملكي لجمهوري؟ أصل انا أفهم ان الثورة دي خاصة بالشعب.. زي الثورة الفرنسية اللي قام بيها الشعب الفرنسي.. أو ثورة الشعب ضد المستعمر زي ثورة القاهرة الأولى و [...]

أحــزان

وشــوشـــات - Sun, 08/07/2007 - 1:35pm
محل فول و طعمية على ناصية شارعنا.. كل يوم و انا نازلة الصبح ألاقي الراجل و مراته قاعدين بيشربوا الشاي على ما زيت القلي يسخن.. كل يوم أصبح على الست.. صباح الخير.. صباح الخير.. ساعات كانت تهز لي راسها و ساعات كانت تشاور لي و كيابة الشاي في إيدها.. عمر ما حصل بيني وبينها حوار غير صباح الخير صباح [...]

تعقيب على آخر تدوينة في العشر سنوات

وشــوشـــات - Fri, 15/06/2007 - 8:00am
بعد ما بلغت صاحبة الشركة اني هابدأ معاها كمان أسبوعين.. بدأت اعيد ترتيب أوراقي.. رحت يوم الأحد المدرسة و كلمت المدير بتاعي في الموضوع.. سألني استخرتي؟ قلت له بالتأكيد.. قال لي على بركة الله.. بس انا لسه مش مطمن على الوضع هناك.. و خايف تخسري هنا و هناك.. قلت له طيب انت شايف ايه؟ قال [...]

10 سنوات من الحياة الوظيفية - فتح من الله

وشــوشـــات - Thu, 07/06/2007 - 4:49pm
الصراحة كده و من الآخر اني قلت لها اديني فرصة أفكر.. قالت لي أد ايه؟ قلت لها يومين.. هارد عليكي يوم الخميس (يومها كان التلات).. و بعدين فكرت و قلت لها.. و لا اقول لك.. خليها الأحد احسن.. قالت لي أوك.. هاستنى منك مكاملة يوم الأحد. ماخبيش عليكوا انا مخي فضل يودي و يجيب.. و هنا [...]

عن جمع الخواطر

وشــوشـــات - Wed, 06/06/2007 - 7:30pm
لأول مرة أعلن في مدونتي عن مدونة أخرى.. بس هي الصراحة رااااااااااائعة و مش واخدة حقها.. البنت دي حاسانا اوي.. لامسانا قوي.. مقربة من قضايا مجتمعنا قوي قوي قوي.. جمع الخواطر  و تدوينة قصة فتاة عادية أسيبكوا دلوقتي مع المدونة.

10 سنوات من الحياة الوظيفية - مفترق طرق

وشــوشـــات - Wed, 06/06/2007 - 6:32pm
لوضع شهر 7 سنة 1998.. الصبح المدرسة و الفطار و شرب الشاي و قراءة الجرائد.. و بعد الظهر المركز و الناس اللي عايزة تتعلم ازاي تعرف تتكلم عنجليزي انما ساعتها وقعت في حيص بيص.. كلها شهرين و المدارس ترجع.. طيب هارجع مدرسة كي جي تاني؟ طيب هاطلع مع فصلي هو هو كي جي 2 و [...]

10 سنوات من الحياة الوظيفية - فلاش باك

وشــوشـــات - Fri, 01/06/2007 - 8:31pm
هانرجع فلاش باك كام شهر كده و تحديد في نص السنة.. يعني شهر 2 تقريبا سنة 1998 ساعتها أخويا كان بيشتغل جرافيك ديزاينر في وكالة إعلان و في يوم جت له ست انجليزية الأصل و عايشة في مصر عشان يصمم لها اعلان في الأهرام بتعلن فيه عن افتتاح مكتب التوظيف الجديد بتاعها.. و لما أخويا [...]

10 سنوات من الحياة الوظيفية - معهد اللغات

وشــوشـــات - Fri, 01/06/2007 - 6:47am
اما عن الشهرين اللي قضيتهم كمدرسة او مدربة في معهد اللغات فكان اني بدأت مع ناس زي ما قلت ما شاء الله فيهم أكبر مني سنا وفي أصغر و في اللي في سني بالظبط.. يجمع بينهم الضعف الملحوظ في اللغة الانجليزي.. طبعا بدأت معاهم في الأول كتاب و شرايط و مستويات و المواضيع المعروفة دي.. [...]

عالم تيجان تيجان.. تيجان

وشــوشـــات - Sat, 26/05/2007 - 6:13pm
تاج من توأمي التدويني العمر لحظة .. توكلنا على الله. أحب شخص لقلبك فى الدنيا؟ ماما ————————————- انسان مستعد تضحي بحياتك – ركز فى كلمة حياتك - عشانه؟ ماما ————————————–

10 سنوات من الحياة الوظيفية - شاي و جرنال

وشــوشـــات - Fri, 18/05/2007 - 7:47pm
و تمر الشهور و تصير الأمور بيس اوف كيك.. و الدنيا وردي و العيال زي السكر و بأت ميس علا عندهم دي المية و الهوا.. و لله الحمد قدرت اكسب ثقة أولياء الأمور و اتصادقت مع والدات اكتر من طفل و طفلة عندي انما.. انما لما بصيت لبعيد شوية ما لقتش اني لية كاريير.. و [...]

10 سنوات من الحياة الوظيفية - زميلات و دادات

وشــوشـــات - Tue, 15/05/2007 - 7:34pm
بعد الكلام عن الأطفال و مقالبهم و طبايعهم.. نتكلم شوية عن الزميلات.. و همه بينقسموا إلى قسمين: قدام و جداد.. القدام كانوا من أيام التعيين بالدبلومات.. انما لسه موجودين و شغالين.. و دول بيسند ليه فصول العربي و سنهم بيبدأ من أواخر الأربعينات. اما الصغار الخريجات الحديثات أمثالي فكانوا بياخدوا فصول اللغات و طبعا [...]

في شقة مصر الجديدة

وشــوشـــات - Sun, 13/05/2007 - 9:00am
دخلت الفيلم امبارح و مش قادرة ما اكتبش عنه..هاناخد هدنة شوية من مذكرات العشر سنين حياة وظيفية و نتكلم شوية عن الفيلم.  ما أقدرش اقول انه فيلم رائع من جميع الجوانب.. انما له ما له و عليه ما عليه. بس أوضح شئ في الموضوع كله انك بتخرج من الفيلم ده في حالة من الاسترخاء  الشدييييييييد [...]

10 سنوات من الحياة الوظيفية - مع الأطفال

وشــوشـــات - Fri, 11/05/2007 - 11:29pm
عاصم كان لما يروح بيتهم مامته تسأله عملت ايه النهاردة في المدرسة يا عاصم؟ لعبنا في الجاردن.. و أكلنا.. و غنينا مع الميس أناشيد.. و حكت لنا حدوتة.. بس يا عاصم؟ ايوه بس.. طبعا الحمد لله انها بتفتح الشنطة و تشوف الشغل و الهوم ورك.. و إلا كان زماني اتطلقت.. أقصد يعني اترفدت من زماااااااااااااان [...]

10 سنوات من الحياة الوظيفية - مواقف مهببة

وشــوشـــات - Thu, 10/05/2007 - 4:11am
مرة من المرات ببساطة جدا نسيت طفل في الحضانة و مشيت قرب ميعاد المرواح يوسف قال لي انا رايح الحمام يا ميس.. قلت له روح بس خد الدادة معاك.. و نسيت تماما أمر هذا الطفل و في ميعاد المرواح نزلت و أخدت الباقيين معايا من اللي لسه أولياء امورهم ما جوش خدوهم و نزلتهم [...]

10 سنوات من الحياة الوظيفية - عالم عيال عيال عيال

وشــوشـــات - Tue, 08/05/2007 - 7:25pm
طبعا طبعا طبعا.. رحت الشغل تاني يوم.. رحت و كلي امل ان النهاردة يكون احسن من امبارح.. بس نفس السيناريو حصل.. الولاد معظمهم بيعيط و عايز ماما.. و كل واحد ليه طقوس معينة في العياط و الزن.. يوسف مثلا مش بيدخل الفصل كده على طول الصبح زي الناس.. لازم والده يطلعه بنفسه.. و يقعد معاه [...]

10 سنوات من الحياة الوظيفية - و إشتغلللللللللت

وشــوشـــات - Tue, 08/05/2007 - 12:05pm
و اشتغلللللللت رحت يوم 15 أكتوبر عشان أستلم الشغل في كي جي مدرسة لغات بوسط البلد.. المدرسة صغيرة طبعا عشان مكانها بس كانت في شارع من أروق شوارع وسط البلد عشان كان قدامها ضريح سعد.. يعني تعتبر حتة فاضية نسبيا بالمقارنة ببقية وسط البلد. معظم الطلبة كانوا من المنيرة.. السيدة زينب.. وسط البلد.. شبرا و [...]

10 سنوات من الحياة الوظيفية - و ظل يبحث و يبحث

وشــوشـــات - Mon, 07/05/2007 - 3:53am
في الزحمة كده كنت عملت انترفيو في مدرسة في وسط البلد.. لغات برضه.. هو ما كانش انترفيو اوي.. هو كان امتحان في التدريس باللغة الانجليزي و شرح لقواعد اللغة أختكوا عمرها اصلا ما مسكت طباشيرة و لا وقفت شرحت حاجة قدام حد آآآآآآآآبدا.. آخري كام عيل من عيال الجيران أشرح لهم حاجة ع الخفيف كده.. [...]

10 سنوات من الحياة الوظيفية - و لا يزال البحث مستمرا

وشــوشـــات - Sun, 06/05/2007 - 5:28am
أهرام الجمعة بالنسبة لي كان طوق النجاة.. أخرج يوم الخميس الساعة 10 بالليل أروح الميدان الاقي الأهرام نزل.. ما كنتش باقدر استنى ليوم الجمعة الصبح.. أفر اعلاناته كلمة كلمة بحثا عن كلمات مفتاحية زي: خريج حديث.. آداب او السن انجليزي.. سكرتيرة.. مدرسة مش عارفة ايه تطلب ايه.. و ابدأ ألف على الأماكن دي يوم السبت [...]

10 سنوات من الحياة الوظيفية - البحث عن وظيفة

وشــوشـــات - Sat, 05/05/2007 - 9:39am
تخرجت سنة 1997.. و اشتغلت شهر اكتوبر من نفس السنة.. و السنة دي هاتم 10 سنوات من العمل المتواصل.. 10 سنوات في الحياة الوظيفية.. على مداهم اشتغلت في مكانين فقط لا غير.. و مكان تالت كان شغل بارت تايم في السريع لمدة شهرين فقط.. ازاي بدأت و بقيت ايه؟ قابلني في السنين دي ايه؟ تحديات؟ [...]
Subscribe to وشــوشـــات