جار القمر
إله الجاز اللبناني في القاهرة
توفيق فروخ في ساقية الصاوي بالزمالك يوم الإثنين 10 نوفمبر 2008 و في قصر الامير طاز بالسيوفية يوم الجمعه 14 نوفمبر 2008 .. ضمن مهرجان مصنع الجاز الذي تشهده القاهرة حاليا .. الحفلة الاولى بتذكرة 20 جنيها و الثانية مجانا .. المزيد من التفاصيل هنا و هنا .. و نماذج من موسيقى فروخ ادناه
أراكم هناك
انت-خاب
في هذه اللحظة بالذات .. الآن .. حالا .. و انا اكتب هذه الكلمات .. يجلس جون مكين و باراك اوباما على طرفي مقعديهما في القارة الامريكية مع معاونيهما يشاهدان مصيرهما على شاشات التليفزيون .. في هذه اللحظة بالذات تم إعلان اوهايو و نيو ميكسيكو ولايتين اوباميتين .. ما سيعني غالبا انه انتصر في هذا السباق المضني .. انا جالس اشرب كاكاوا ساخنا في المج الأسود الذي يحمل صورة آل كابون .. آكل عنبا داكنا ببذره لا أحبه لكني مضطر لأكله جوعا .. اتابع الانتخابات على الانترنت و اتصور ان في لحظة بلعت بذرة العنب و اصبت بالشرقة العظيمة التي تسبب لي كحة حتى الآن .. كان اوباما يحتضن اصدقاءه و زوجته و ماكين يحتضن ايضا معاونيه و زوجته .. مئات الامريكان و غير الامريكان يحتفلون و انا أكح بشدة .. مستقبل العالم يتحدد الآن و انا لا اكاد استطيع التنفس ... ساسة عراقيون وروس و المان و فلسطينيون يستعدون .. مجاهدون في افغانستان يستعدون .. مثليون في كاليفورنيا يستعدون .. امي تصلي الفجر و تفكر .. احمدي نجاد يصلي الفجر و يفكر .. مارتن لوثر كينج يبتسم الآن بينما يعبس بشدة ناثان بيدفورد .. صحفيون يكتبون مقالات تشرح و تحلل .. و آخرون يأمرون بطباعة عناوين محضرة سلفا في الصفحات الأولى .. ملايين يهنئون بعضهم و ملايين يواسون .. .. مئات العيون تغشاها الدموع و انا دموع الكحة تغشي عيناي .. العنب الكبير اللعين .. ان تبتلع بويضات حيات العنب غير منطقي تطوريا .. الآن تبدأ سارة بالين في الإكتئاب و يفتح يوسف بايدن غالبا زجاجة الشامبانيا .. بيل اورايللي يخبط بقبضته الحائط و بيل ماهر يمارس الجنس صارخا في فرح .. في كينيا يبكي ثور كبير سيذبح احتفالا بنجاح باراك .. عندي صباحا اختبار جراحة شفوي و اساتذتي يستعدون الآن لارهاقنا بشحنات التوتر الذي اكتسبوه خلال الليل لاسباب عدة.. الآن يقبع شخص ما في مكان ما يفكر فيَ .. انا بالذات .. ربما اثنان .. ربما اثنتان .. ربما واحدة اتوقعها ..ربما لا اتوقعها .. ربما اكثر و ربما لا أحد يفعل .. ربما الجميع ينام الآن و انا الوحيد الجالس في قلب الاسكندرية اتابع الإنتخابات الامريكيه .. العالم يتغير و التاريخ الآن يُصنع و انا لا استطيع مقاومة العنب البغيض .. افتح واحدة و القي ببذرها و استخدم عصيرها ليخفف كرشة النفس .. الآن حالا.. حالا .. يحزن نصف الكرة الارضية و يفرح النصف الآخر .. انا لست مع اي نصف .. لا افكر في أي نصف .. انا في الوسط تماما عندي كحة من ابتلاع العنب الذي ما كان حريا بي ابدا ان ابدأ بأكله و انا اعرف ضرره .
انت-خاب
في هذه اللحظة بالذات .. الآن .. حالا .. و انا اكتب هذه الكلمات .. يجلس جون مكين و باراك اوباما على طرفي مقعديهما في القارة الامريكية مع معاونيهما يشاهدان مصيرهما على شاشات التليفزيون .. في هذه اللحظة بالذات تم إعلان اوهايو و نيو ميكسيكو ولايتين اوباميتين .. ما سيعني غالبا انه انتصر في هذا السباق المضني .. انا جالس اشرب كاكاوا ساخنا في المج الأسود الذي يحمل صورة آل كابون .. آكل عنبا داكنا ببذره لا أحبه لكني مضطر لأكله جوعا .. اتابع الانتخابات على الانترنت و اتصور ان في لحظة بلعت بذرة العنب و اصبت بالشرقة العظيمة التي تسبب لي كحة حتى الآن .. كان اوباما يحتضن اصدقاءه و زوجته و ماكين يحتضن ايضا معاونيه و زوجته .. مئات الامريكان و غير الامريكان يحتفلون و انا أكح بشدة .. مستقبل العالم يتحدد الآن و انا لا اكاد استطيع التنفس ... ساسة عراقيون وروس و المان و فلسطينيون يستعدون .. مجاهدون في افغانستان يستعدون .. مثليون في كاليفورنيا يستعدون .. امي تصلي الفجر و تفكر .. احمدي نجاد يصلي الفجر و يفكر .. مارتن لوثر كينج يبتسم الآن بينما يعبس بشدة ناثان بيدفورد .. صحفيون يكتبون مقالات تشرح و تحلل .. و آخرون يأمرون بطباعة عناوين محضرة سلفا في الصفحات الأولى .. ملايين يهنئون بعضهم و ملايين يواسون .. .. مئات العيون تغشاها الدموع و انا دموع الكحة تغشي عيناي .. العنب الكبير اللعين .. ان تبتلع بويضات حيات العنب غير منطقي تطوريا .. الآن تبدأ سارة بالين في الإكتئاب و يفتح يوسف بايدن غالبا زجاجة الشامبانيا .. بيل اورايللي يخبط بقبضته الحائط و بيل ماهر يمارس الجنس صارخا في فرح .. في كينيا يبكي ثور كبير سيذبح احتفالا بنجاح باراك .. عندي صباحا اختبار جراحة شفوي و اساتذتي يستعدون الآن لارهاقنا بشحنات التوتر الذي اكتسبوه خلال الليل لاسباب عدة.. الآن يقبع شخص ما في مكان ما يفكر فيَ .. انا بالذات .. ربما اثنان .. ربما اثنتان .. ربما واحدة اتوقعها ..ربما لا اتوقعها .. ربما اكثر و ربما لا أحد يفعل .. ربما الجميع ينام الآن و انا الوحيد الجالس في قلب الاسكندرية اتابع الإنتخابات الامريكيه .. العالم يتغير و التاريخ الآن يُصنع و انا لا استطيع مقاومة العنب البغيض .. افتح واحدة و القي ببذرها و استخدم عصيرها ليخفف كرشة النفس .. الآن حالا.. حالا .. يحزن نصف الكرة الارضية و يفرح النصف الآخر .. انا لست مع اي نصف .. لا افكر في أي نصف .. انا في الوسط تماما عندي كحة من ابتلاع العنب الذي ما كان حريا بي ابدا ان ابدأ بأكله و انا اعرف ضرره .
أولاً
من شوية سمعت للمرة الاولى اغنية عبد الباسط حمودة ( انا مش عارفني ) بصوت عبد الباسط نفسه .. باعترف و انا في فجر يوم 26 رمضان / سبتمبر و قد تكون ليلة القدر . اني بمجرد ما سمعت الغنوة دي , ضرب قلبي شجن مهول ..
و كمان جووجل
و امتدادا لموضوع ( لا تكن شريرا ) .. اعلنت الشركة على موقعها المخصص للاحتفال بعيد ميلادها العاشر عن مشروعها الجديد : عشرة أس 100 - وهو رقم يساوي 10 و امامها مائة صفر , اسم الرقم جووجول ومنه اشتق اسم الشركة .. فكرة المسابقة ببساطة هي انك تستطيع طرح اي فكرة تعتقد انها قد تفيد اما البشرية او قارتك او دولتك او محافظتك او مركزك او قريتك .. و سوف تعرض للتصويت على عامة مستخدمي الانترنت , و الافكار الفائزة سيتم التصفية فيما بينها لتصل خمس افكار منها فقط لحلم التحقيق في فبراير القادم ..
جووجل تعرض 10 ملايين دولار امريكي لدعم خمسة مشروعات سترى انها تفيد الكثيرين .. قد تتراوح الفكرة بين تطبيقات الانترنت للفضاء و حتى انظمة الصرف الصحي و العاب الاطفال .. المهم ان تقع تحت واحد من هذه المواضيع : المجتمع : فكرة تربط الناس و تبني مجتمعات صغيرة و تحمي ثقافات مميزة
تحسين المعيشة : فكرة تساعد الناس على تحسين معيشتهم هم و اهاليهم و فتح افاق جديده لتحسين مستواهم
الطاقة : فكرة تساعد على توفير مصدر طاقة نظيف و آمن و رخيص للعالم
البيئة : فكرة تساعد على المحافظة على و زيادة الوعي ببيئة عالمية نظيفة مستدامة صحة : فكرة تساعد الافراد على التمتع بصحة افضل و حياة اطول
تعليم : فكرة تساعد على منح المزيد من البشر فرصة التعليم الافضل و اكتساب المهارات
مأوى : فكرة تساعد على توفير مكان آمن للعيش لكل شخص على سطح الكوكب
اي شيء آخر : بعض افضل الافكار لا يمكن وضعها في تصنيف .. كل المطلوب هو ان تكتب فكرتك و ترسلها عن طريق هذه الاستمارة , في موعد اقصاه العشرين من اكتوبر 2008 .. و هناك فرصة جيدة ان يتبنى جووجل مشروعك ان كان ممتازا و جديدا و مفيدا و غير إرهابي ..
اعجبتني الغنوة و الفيديو المخصص لها كثيرا :
..
و مرة ثانية : صرت انسى كثيرا هذه الايام ان جووجل اساسا محرك بحث
توثيق تاريخي
جووجل تعلن إطلاق متصفحها الجديد مفتوح المصدر ( كروم ) و تشرح تفاصيله التقنية الصعبه عبر قصاصات كوميك جذابة .. سيكون (كروم ) جاهزا للتحميل غدا بحسب مدونة جووجل الرسمية
تجاربنا السابقة مع جووجل تنبيء بان كروم سيكون ثوريا .. و اذا كانت الاضافات التي ذكرتها شخصيات الكوميك في حجمها الحقيقي .. فنحن بصدد متصفح انترنت قد يعني نقطة محورية في تاريخ التصفح على الشبكة
..
يبقى للعملاق الامريكي نظام تشغيله الذي يعمل عليه فعلا ..الى جانب منتجاته امذهلة في تنوعها و كثرتها و اهدافها .. لتبدأ مخاوف سيطرة شركة محرك البحث الشهيرة على الانترنت و معلومات المستقبل في التحقق
..
عموما , يبقى الأمل في ان يكون الشعار الرسمي للشركة صادقا
..
تسجيل للتاريخ
ياريت كل يوم يبقى ثورة عشان ناخد أجازة و الشارع يفضى .. يا سلام لو كان الظباط الأحرار دول عملوا كذا ثورة على مدار الصيف .. و كلها تبقى ثورات مهمه .. مالهاش غنا عن بعضيها .. بحيث ايه فاهمني , لما ييجوا ينقوا يوم الأجازة مايعرفوش يختاروا انهي ويسيبوا انهي ..على اساس يعني يبقى نص الصيف اجازات .. يعني يوم يقولوا بيان ع الراديو .. و يوم يطردوا الملك .. و يوم يودعوا الملك و يوم يتاكدوا ان الملك وصل ( ضحكة ).. ويوم يعملوا الحكومة .. و يوم يأمموا عمر افندي .. ويوم يأمموا إيليت محطة الرمل .. و يعملوا كل يوم من دول اجازة .. فاهمني ؟؟ يعني عشان تبقى الثورة مفيدة بجد .. بس المشكله بقى ان كل يوم من دول حاييجي رد قلبي و بفة الافلام القلش بتاعت التليفزيون .. بس برضه تستاهل , قعدة البيت ماتتقدرش بمال
..
انت عارف انا ليا دايما مزاج ارمي نظرات للبنات في الشارع و في المواصلات . خصوصا لو البت لا مؤاخذه مش حلوة قوي . بصراحة البت من دول بتبقى عايزة يتبصلها .. نفسيتها بتتحسن لما تلاقي شاب و شكله زي ماتقول كده نضيف و ابن ناس رماها نظرة يعني زي ماتقول كده اعجاب .. مع انها ماتستاهلش قوي .. ده يرفع معنوياتها قوي و يحسسها انها بنت بتتعاكس و بتاع .. اي ست في الدنيا تحب يتبصلها باعجاب .. يعني انت لو جت واحدة قالتلك لون قميصك عاجبني و لا شعرك حلو مش حاتنبسط ؟؟ اهم حاجه ايدك في مكانها ماتمدهاش ابدا .. خليك جنتل و بصبص بس بدافع خير في نفسك ..مش عشان لا مؤاخذه عايزها ..اعتبرها اختك و لا الستبتاعتك ماشية في الشارع
مقتطفات من حوار مع راكب زميل في ميكروباص ( منشية - عصافرة ) .. يوم 23 يوليو الحار جدا
لمبة نيون
..
فيلم عماد ماهر الجديد( لمبة نيون) رائعٌ , ليس فقط لأن عماد صديقٌ مقرب لي , لكن لأني و بصدق قضيت نصف الساعة التي شاهدت فيها الفيلم مستمتعا للغاية , و من اول دقيقة الى أخر ثانية ( تحديدا آخر ثانية من تتر النهاية ) , كنت ابتسم و اضحك و اتابع و اترقب .. و لم يحدث اني تململت او ضجرت او ابعدت نظري عن الشاشة أصلا
..
السينما فن صعب بلا جدال , اولا لأنها تجمع الفنون كافة , و ثانيا لأنها مكلفة , و ثالثا لأن معادلات انجاحها متعددة و تختلف بإختلاف النتيجة المطلوبة .. العمل السينمائي الناجح ليس عفويا او وليد اللحظة بكل تأكيد .. للموهبة دور لكن عناصر الفيلم غير قابلة للفصل .. و الإجتهاد في جعلها كاملة هو في الحقيقة ما يصنع فيلما ممتازا . فكرة الفيلم فكتابتها فتصويرها فإنتاجها فصوتها فإضاءتها فموسيقاها فمونتاجها فملابس مشخصيها فأداءهم حتى نهاية مكونات العالم الذي يصنعه المخرج على الشاشة انعكاسا لخياله .. على شرط ان يتعدى خياله هذا ما قد تتوقعه انت كمشاهد , ان يحملك عبر عينه لترى الأشياء بمنظور لم تره قبلا , ليريك مواقف و شخصيات و نتائج لم تفكر فيها . او ليوسع مداركك و يزيد معرفتك بأشياء لم و لن تصادفها - إما لخياليتها او بعدها عن حياتك او كليهما - .. في النهاية يفترض بالفيلم الا يضجرك و يفترض به ان لا يتركك بدون مغزى او هدف و يفترض به ايضا ان يوحدك مع أحد شخصياته او كلها و ان تتطهر معها , تتعاطف معها او تثور عليها حسب الفكرة الأساسية .. الفيلم العظيم هو الذي يفعل كل هذا معا و بتوافق محدد و دقيق .. و يضيف لك قيمة أو شعورا او يغير فيك جزءا يخاطبه تحديدا وهي اصعب المهام على الإطلاق..
..
..
بالنسبة لي , فيلم عماد رائع لأغلب هذه الأسباب .. الفيلم كوميدي هدفه الضحك و ينجح في الحصول عليه .. الفكرة ممتازة و سيناريو شارل عقل في نفس امتيازها , تفاصيل المشاهد و سمات الشخصيات دقيقة و محسوبة بعناية للمشاهد بتركيز , تصوير إسلام كمال بديع كعادته , مونتاج عماد نفسه أكثر من جيد , و إخراجه طازج و مبدع و مستند على ثقافة سينمائية و إحساس و موهبة و فهم لما يعنيه وضع الكاميرا هنا او هناك . موسيقى الفيلم الأصلية و اغانيه مفاجآت في الحقيقة , كذا شريط صوته .. الإتقان في كل العناصر جعل الفيلم ممتعا للعين و الأذن .. لكنه أيضا يدور حول فكرة رغم بساطتها تمسنا جميعا رغم إختلاف اولويتها بيننا .
في النهاية أضمن لمشاهد (لمبة نيون) أن يضحك من قلبه , و أن يستمتع و ينهي الفيلم متمنيا أن يطول .. أنا سعيد جدا ان هواة انجزوا بميزانية لا تذكر فيلما قصيرا بكاميرا ديجيتال امتعني و ابهجني و أضاف لي ( على غير عادة هذه الأفلام في مصر ) و سيسرني أنا جدا ان اشاهده مرات و مرات و لعدة سنين قادمة .
سيعرض الفيلم في مكتبة الإسكندرية يوم الخميس 12 يونيو 2008 الساعة الثامنة مساء , و سيلي العرض ندوة مع صناعه .
و انت ماتدراشي يا جدع
أصبح العالم فجأة مكانا عجيبا يصعب فهمه .. و كدليل هام على هذا , كان جاري كاسبروف , اسطورة الشطرنج الروسي العالمي يلقي خطابا سياسيا هاما في مؤتمر لقوى المعارضة الروسية الأسبوع الماضي يدعوهم فيه لتوحيد جهودهم , بحضور كثيف لاعلاميين و صحافيين و كاميراتهم .. عندما فوجيء البطل القومي بعضو ذكري يطير بواسطة مروحة يتحكم فيها احد الخبثاء بواسطة موجات الراديو .. وسط ضحكات الحضور و تصفيقهم
..
الحكمة هنا : لا يمكن ابدا انت تتوقع من أين تأتي الضربة القادمه و ماهو شكلها
العبد و الشيطان
لا مجال للاستهزاء باغنية محمود الحسيني الجديدة .. العبد و الشيطان .. اولا لأن الأغنية فعلا ليست فكاهية كالعنب و لا مليودرامية مظلمة كدقيقة حداد .. صحيح انها كاخواتها يمكن تصنيفها بسهولة و خطأ شائعين جدا تحت باب الأغنية البيئة / الشعبيه / المنحطة الخ .. الا ان سمعا متأنيا لها مع تدقيق في معانيها العجيبة ستأسرك حتما في رحابها .. السبب الثاني لتقدير الأغنية هو نجاحها المثير للإعجاب و التفكير في آن
..
منذ فبراير الماضي و انا لا اسمع في الشوارع إلا العبد و الشيطان .. وخصوصا جملتها الشهيرة ( بقيت تلعب بوكر .. و بتشرب جوني ووكر ) او بالاصح ( جون ووكر ) لامانة النقل من محمود .. و كتقدير فردي غير دقيق بالمرة .. فإن واحد من كل خمسة سائقي ميكرو باصات ركبتها في 2008 استخدم الشيطان - وهو اسمها الرائج المختصر - للترفيه عن نفسه وركابه ..و كما فعلت العنب قبلها , بدأت الاغنية تنتشر بالدفع الذاتي . بلا دعاية و لا إعلان و لا حتى معرفة أسم المطرب او أصله او تاريخه .. الأغنية ضربت و هي التي رقت نفسها و اختارت زبونها كما قال العظيم جميل راتب في الكيف ..وكما يقول مدحت محفوظ في مقالاته البديعة حقا عن البوب آرت : (تعريف الفن الشعبى ’ الحالى ‘ يميل لما يلى : المنتجات الثقافية الموجهة لأهل المدن ، من أبناء الطبقة الوسطى ، المتعلمين ، التى تعتمد لإعادة الإنتاج ( التوزيع ) على أحدث التقنيات الكتلية المتاحة ، وتتماشى مع الأفكار والأهواء السائدة غير المختلف عليها كثيرا ، ومن نتيجة كل هذا أن تكون واسعة الجماهيرية ). وهي قاعدة تنطبق غالبا على الشيطان اذا مانحينا جانبا الجدل المتوقع في قضية تعريف الطبقة الوسطى اساسا .. مايهمني هنا هو التوزيع
..
الشيطان فن شعبي بلا جدال لكن توزيعها اعتمد لا على آليات السوق المخططة سلفا بقدر ما اعتمد على الفردية .. اعتقد أن ستين بالمائة من نجاح الاغنية اعتمد على سماعها في عربات الميكروباص , الاسواق , الفلايك النهرية و غيرها من المنتديات الخاضعة اصلا لمزاج اصحابها و حكمهم على جودة المنتج من عدمه .. بعض العمالقة الآن بدأوا هكذا كجورج وسوف مثلا ثم تم تدعيمهم بشركات انتاج و ماكينات اعلامية عملاقة نحت جانبا دور ( اليد لليد ) كآلية اولية و بديعة لمنح النجاح .. غنى بعرور العنب عن الحشيش و لا اظن انه كان يحلم بعشر نجاح الغنوة .. ما حدث هو ان المائة الذين سمعوا الغنوة تحمسوا لها فجندوا مائة جندوا ألفا جندوا ملايين ..العمل الشعبي لا الفلكلوري ( الذي ربما كان شعبيا يوما او لم يكن ) ..ينجح لأنه يوافق الذوق العام في هذه المرحلة و اللحظة بالذات .. و يوافق ثوابته و رغباته بل يتواطيء مع رغباته التي ربما لا يستطيع التعبير عنها الا بالرمز و بدون الكثير من التوضيح . و في النهاية , الفن الشعبي يحتاج اوكسجين النجاح الذي لا غنى عنه : التجديد و الأصلية , هل يذكر أحد الآن كلمات اغنية البلح ؟ او السمك؟
اغنية الحسيني طفرة .. و السبب عدا كونها تبين اليات النجاح بين الغالبية العظمى الضاربة . انها توضح مدى مرونة الذوق العام المصري و تكشف عن اتجاهه اللحظي .. الشيطان و العبد ديالوج جاد و ساخر بين الطرفين المتصارعين ازليا .. تروي في شكل قصة ( موسيقية و نصية ) كيف يغوي الشيطان العبد و كيف يتغلب عليه .. كبداية هذه تيمة مضمونة النجاح منذ قصص التراث و حتى الدعاة الجدد . الجديد هنا هو التوظيف و التجديد كما سيتضح لاحقا .. للغنوة جزئين أرى ان اولهما افضل بكثير من الثاني.. ساحاول هنا -تفصيصهما - حسب اجتهادي و فهمي :
الأولة في الغرام باسم الإله بديت و انا باغني
استغفر الله العظيم على ما جرى مني
شيطان و قال للعبد وريتك الدنيا و الوانها
و بعت الآخرة علشانها
و بقيت تخاف تخرج منها و نسيت كمان الصلاة و الفرض
الأولة في الغرام ؟؟ تبدأ الخدعه باكتشاف اتجاه الغنوة من اول سطر .. ليست غنوة غرام لكنها ذات طابع ديني .. وسواء قصد الكاتب هذ المعنى ام لم يقصده فهو يصيب الهدف في مقتل : انا مختلف , و أصلي .. باسم الإله بديت و انا باغني .. لست كمن يغني للحشيش و النساء و الهلس .. استغفر الله العظيم على ماجرى مني .. انت الآ'ن مهيأ تماما لتلقى الموعظة .. تكنيك يستخدمه خطيب الجمعه لافتتاح الخطبة . و قبل اما بعد يرجو ان يعد المستمع للانفصال عن الدنيا و الانغماس في امر ديني ..
يبدأ الحكي بالتعريف بالشخصيات .. قاعدة درامية هامة و اساسية .. الشيطان و العبد اسمان مطلقان لا بد ان تتماهى مع احدهما .. بالطبع ستختار العبد .. انت الآن و في اقل من 10 ثواني تتخذ صفا و تستعد لتلقي النصيحة . انت الآن العبد و انت الآن تكره الشيطان . شيطان و قال للعبد جعلت الشيطان كلفظة ثقيلة كريهة تقابلك بعد ان استغفرت و حاولت البدء في التطهر .. يضايقك ظهور الشين و الطاء بعد سلاسة نهاية البيت الأول .. فيزيد من التأثير المطلوب . .. وريتك الدنيا و الوانها .. الدنيا لفظ كريه طالما دخلنا في السياق الديني .. الوعي ينص على ان الدنيا عكس الآخرة و الثانية افضل .. لا تتاخر اللفظة كثيرا حتى تظهر في الشطر الثاني .. لتؤكد لك التباين الذي كونه وعيك و تضع لك الآخرة في كلمة مغناة .. الآخرة التي باعها العبد - انت - بواسطة تكنيكات معروفة وهي اهمال الصلاة و الفروض .. تخاف تخرج منها هي جملة عبقرية تلخص مفهوم التشبث بالدنيا .. اتوقف هنا امام استخدام كلمة بقيت .. بقيت يعني انك تحولت .. لم تكن هكذا قبلا وولدت على الفطرة النقية لكن الشيطان هو السبب لما صرت فيه و نسيت الفرض أي انك كنت تتذكره دوما لكن عاملا شريرا انساك اياه .. سبب آخر ليتضافر احساسك بالذنب مع كراهيتك للشيطان فتتضاعف ..
موسيقيا سأنحي جانبا تأثيرات الريميكس و اسلوب الديجيهات مع اعترافي باثره النفسي الموفق .. لكني ساتوقف عند الإيقاع .. اربعة دمات و تكة ثم اربعة دمات .. تنويع بعيييييد للغاية على الواحدة الكبيرة .. لكنه في نفس زمنه هذا التنويع المستحدث يستخدم كثيرا مع اغاني الموالد و شبه الزار العصرية.. سمعت اغاني كاملة تسير عليه لاول مرة يوم زرت سيدي احمد البدوي و المحلات امامه تصرخ باغاني في حب ال النبي الخ .. الواحدة الكبيرة ايقاع شرقي قديم راسخ في العقل المصري .. على طول الاغنية الايقاع الواسع البطيء مقابل الواحدة ونص هو المحرك الموسيقي الاساسي هنا .. الواحدة الكبيرة مصحوبة بالناي و تأثيرات كيبوردية متعددة ترافق دائما العبد / الخير / النصيحة .. بينما الواحدة ونص الشهيرة ترافق دوما الرقص الشرقي - الهلس - و ترافق هنا الشيطان و الوسوسة
..
يتحول الايقاع للواحدة و النص حين يقول محمود :
في الاول جرجرتك من خيبتك خدرتك
و بقيت تعرف تكدب و بتلعب على جارتك
بقيت تلعب بوكر و بتشرب جون ووكر
سرد لتاريخ الغواية .. من وجهة نظر توبيخية عنيفه .. الفاظ ك - جرجرتك - و - خيبتك - تزيد الشعور المتصاعد اصلا بالذنب و الجريمة .. خدرتك تأتي لتسير مع هذا الشعور لتبرره و تحوله في اتجاه كراهية العدو / الشيطان .. بعدها تأتي مباشرة بقيت .. ثم تعرف .. كلها تخدم نفس الغرض . بقيت تعرف تكدب و بتلعب على جارتك .. هذه جملة عبقرية جمعت الذنوب كلها .. بداية بالكذب وهو اول المصائب وحتى الزنا .. اجمال عظيم يأتي كنتيجة مباشرة لفعل التخدير / الجرجرة / الخيبة .. يتم تفصيله بعد ذلك في شطرة بقيت تلعب بوكر .. بوكر وجوني ووكر بعد آخر اراه مدعما للقضية .. العبد الذي عصى لم يكتف بارتكاب الفواحش و لكنه تآلف م الاجنبي منها .. استخدام الفاظ اجنبية للالعاب و الخمر له تأثير اقوى بكثير .. ستلاحظ هذا الفرق في الجزء الثاني من الاغنية .. حيث يذكر السينما و الدومينو و لا اعتقد انهما بنفس التأثير المنفر .. اللفظ الاجنبي يضيف جريمة اخرى على عاتق العبد التائه وهي التشبه بالغرب .. حتى و ان لم يذكر هذا صراحة .. فإن مجرد لفظ الاسم الغريب - وهي اشياء لا يتجه اليها عادة المجرم العادي المتوسط - تزيد من شعور الحقد عليه / على نفسك و النفور منها
الايقاع يظل كما ذكرنا واحدة وتص .. هذا الجزء يسمح لك بالفاعل بدءا من تحريك قدما وحتى الرقص وهو ما رأيته في احد الافراح .. جو الرقص و الانبساط و السكر و الهلس ينتقل لك كاملا .. يصاحب الايقاع ناي حزين للغايه في الخلفية .. الناي يذكرك دوما و انت في عز الصهلله ان مايحدث غير اخلاقي .. حزين .. سيء .. البيز هنا غريب جدا جدا .. فهو يظهر اولا مع نقلة الايقاع المستهلكة الى حديث الشيطان .. لينتهي بعدها و يمهد لدخول شخصية مهمه .. ثم يعود مع تركيزات هامة في سياق الدراما : من خيبتك - و بتلعب - وبتشرب لينتهي بعدها كما لو انه اعلان عن نهاية .. خلاص انتهى العبد الصالح ووصل للشرب .. لمحة جميلة أداها محمد الحسيني بصوته في خيبتك و بتلعب و بتشرب .. عمقت الاحساس بالجريمة و الاستنكار ..
..
جو جو جو جو جو جو جو جو
يابا يابا يابا يابا يابا يابا
سر في تاريخ الغناء المصري .. جو جو جو لفظ ينحت هنا للمرة الأولى على ما اعرف .. ما المعنى ؟؟ و لماذا جوجو و ليس ياليل ياليل يا ليل .. شغلني السؤال كثيرا لكني خرجت بتفسير قد يكون معقولا رغب بساطته المتناهية لحد الاستبعاد .. في الجزء الثاني من الغنوه يستبدل المؤدي مع الحسيني جو جو ب روح روح روح .. أي اذهب .. الكلمة الشهيرة لدى سائقي الميكروباص .. روح تعني تحرك .. ادخل في الموقف .. اخرج من الموقف ... اعبرالإشارة .. هل هذاتفسير منطقي ؟؟ جو هي روح بالانجليزيه ؟ احتمال كبير يسأل عنه الجسيني نفسه الذي اطنه قد ارتجلها بعيدا عن كاتب الكلمات .. على كل حال الجيم و الواو اديا وظيفة رائعة في الندب .. جوووووو اووووووه واااااااا حروف المد تناسب الندب كذا يابا
..
يابا يابا يابا تعيدنا الى اعماق الفلكلور هذه المره .. يابا و ياما لفظتان محببتان للتأوه و الندب .. الايقاع هنا ينتقل من المقسوم الى الملفوف .. الملفوف ايقاع اقل سوءا في سمعته من المقسوم .. الملفوف يصلح بامتياز لهز الرأس يمنة و يسرة كالزار .. هنا انت تتحرك من الواحدة ونصف بنقلة ايقاعية عادية و ثابته الى الملفوف ثم الى الواحدة الكبيرة .. تخرج من الفساد الشيطاني و تحاول التطهر بمايشبه الزار ثم الى الواحدة و النصف .. مرة اخرى حيث سيتكلم العبد .. الناي يصاحب و يرتجل في الخلفية مع الآلة العجيبه التي هي غالبا مزمار اورج كهربائي .. ليعمق شعور الدوامة التطهرية الذي ذكرته .. ثم ينتقل الايقاع بدقات سريعة متتالية الى الواحدة الكبيرة المعدلة :
العبد قال للشيطان
من بعد ماطاوعتك مابقتش عارف اعيش
ودتني لحد النار و هناك ماعرفتنيش
الشيطان قال للعبد
انظر كم الشجن .. محمود يتدفق هنا باحساس عال بلا شك .. معه الناي و الاورج الرتيب يبث شعور الذنب الباقي و الصارم .. العبد قال للشيطان هذه المرة .. ظاوعتك لفظة ناجحه جدا وزنا و دلالة .. الطاعه هي السير وراالشيطان اي انه هو المسؤول الاساسي .. من بعد توحي كما قلنا سابقا بان الموضوع سابقة.. اعود مرة اخرى للشجن غير المعقول في ماعرفتنيش ... انا شخصيا استمتع للغاية بهذا الجزء ... يتغير الايقاع مرة اخرى ليهبط بالمستمع من الشجن للرقص بصورة عبقرية :
ماتنفض و تهلس
ماتهرتل و تفيس
لو عايز تتنمرد طب مانت كده كويس
الفاظ مصرية خالصة مستخلصة و غير قابلة للتأويل جملة طب مانت تقطمها الايقاعات الناقلة .. طب مانت ايه ؟؟ يعود بعدها ليقول مانت كده كويس كانها وجهة نظر الشيطان المسيطرة .. و قد اعطى المستمع الفرصة لاستنتاجها قبله و الآن للقنبلة :
ماتطلع و تبقشش
اما انت ابن لذينا
ماتولع و تحشش
و لا احنا في بنزينه
متعة ..الشيطان ليس بالضرورة كائنا احمر اللون بذيل و قرون او مخيفا جامدا هنيفا .. الشيطان صاحب نكتة .. ابن بلد .. سواق .. يعرف كيف يسيطر على زبونه .. و- يجر رجله - هذا البيت هو تلخيص لطريقة عمل الشيطان في صورة فنية بديعه .. ارفع القبعه لموبة الكاتب التي اتت له ببنزينا و ابن لذينا في جمله من هذا النوع .. حقيقة موهبة خالصة .. لا اتمالك نفسي من الضحك عند سماع هذا المقطع .. و لا استطيع ان امنع نفسي من التفكير في عظمة هذه الثقافة المصرية بشكل عام .. انا احب هذا البلد لاسباب قليلة .. هذا المقطع فعلا هو خير ممثل لواحد من اهمها
..
لا يجب ان افوت هنا ملاحظة ظريفة .. وهي قرب اختفاء الحاء و غيرها ن الحروف الحلقية امام حرف العين المتضخم في حنجرتنا المصريه ... تحشش صارت تعشش .. احنا و العين في تطلع اصلا متضخمه مرضيا وهي ملاحظة تجدها في اللمبي الذي لقطها بذكاء و تجدها في بعرور و تجدها في رجل الشارع المصري
العبد قال للشيطان حاسيبلك المعاصي و ازور رسول الله
و ان جيتلي حابعدك بآيات كتاب الله
و مادام حارجع اصلي مش حاتعرف توصلي
و الناس بقى تتعلم من كل اللي حصلي
تتكرر كلاللي حصلي في نهاية تليق باغنية دينية وعظية هامة .. في تكرار حصلي تتذكر ماحدث طوال الاغنية .. ابهار البد و الشيطان نابع من مناطحتها الديني و الدنيوي في7 دقائق .. انت الآن تخرج منها على الواحدة الكبيرة .. متطهرا من فعل الرقص -المعنوي على الاقل -وقد وصلتك الحكمة مشفعة بفعل التطهر الناتج عن غلب العبد للشيطان ... و كأي دراما حقيقية انتهى العدو الذي كرست صده مشاعرك بالذنب و المقت باندحاره امام العلاج الناجع .. الصلاه و اداء الفروض .. كيف لا يمكن لاغنية كتلك ان تنجح مادامت تعتمد على ما فعلته الخرافات و الاساطير من فعل تطهيري .. اضحكتك الغنوة و ضايقتك و حركتك و دغدغت روحانيتك و اعطتك حلا .. و في النهاية جاءت في لحظة احتاج فيها محبوها لها
الجزء الثاني للعبد و الشيطان و يبدو انه قد انتج استغلالا لنجاح الاول .. اضعف في جميع النواحي عدا كلماته الطازجة الاصلية جدا .. لكن بنية الدراما و توزيع الحكم فج الى حد كبير .. لاحظ في الجزء الثاني استخدام ايقاعات الزار و الحضرات الاصلية الشائعة في المقدمة و الوسط .. معجب انا جدا بالمطرب الموازي في الاغنية... اهم مافيها هو ان لو :
عايز تروح النت
اركب سوبر جيت
عايزك ماتركزشي
علشان ماتهيسشي
..
عجبي عليه الانسان
مافيوهش الا لسان
بيتكلم على الفاضي
Amen
(To me , the great hope is that now with these little 8 mm video recorders , people who don't normally make movies are gonna be making them. You know , and suddenly one day some little fat girl in Ohio is gonna be the new mozzart , and make a beautiful film with her little father's camera recorder and for once the so-called "professionalism" about movies will be destroyed forever. you know, and they will become an art form . that's my opinion .)
Francis Ford Coppola In 1991 .
From Hearts of Darkness , A documentary about the making of Apocalypse now.
بالنسبة لإضراب بكره بتاع ستة ابريل
..
عم واحد صاحبي بيروح شغله كموظف كبير في الحكومة كل يوم بتاكسي مخصوص .. النهاردة الراجل نازل الشغل فسواق التاكسي اللي اسمه عم علاء و قليل الكلام في العادة بلغه ان بكره مش حايقدر يجي ياخده من البيت , عشان الإضراب بتاع بكره .. و بمزيد من الاستفسار ( مع حبة شك في وطنية و انتماء و معرفة عم علاء اصلا بموضوع الإضراب ) تبين ان عم علاء سمع ان الحكومه حاتنظم اضراب بكره , احتجاجا على الفيلم بتاع هولندا اللي بيشتموا فيه الرسول .. و ان الداخليه وزعت بيان تحذر فيه الناس من الشغل او النزول للشارع زي يوم كسوف الشمس كده.. و ان العساكر حاتنزل بكره تكسر المحلات و تلم العربيات اللي شغاله , و الناس اللي ماشية في الشارع عشان اللي يشتغل اليوم ده يبقى متضامن مع الكفرة بتوع هولندا
..
و انا استجابة لحماسة عم علاء ادعو الأمة لجعل الأمن الشخصي اولوية , و المحافظة على النفس بالإضراب غدا دعما لقضية الرسول و جهود الحكومة لحمايته و لأن زي ما المثل المصري القديم بيقول ( داعيا الى السلامة الشخصية ) : ظراط الليل و لا تسبيح السمكإعلان مؤجل الأجر
ايمان بنا صديقة سكندرية جميلة .. تصنع - بجانب اشياء أخرى - قلائد و أقراطا و حليا بديعة من النحاس بأسعار أقرب للرمزية .. إيمان استغلت الإنترنت لتسوق منتجاتها , مجموعتها على الفيس بوك ( و التي أسمتها شكمجية ) تضم نحو الستمائة عضو و توفر طريقة سهلة و مبتكرة لشراء المشغولات : تصفح صور الألبوم , اختر حليتك المفضلة و سجل رقمها الكودي ثم راسل إيمان لترسلها لك بالبريد السريع الذي تضاف تكلفته ( التي لا تتعدى الجنيهات العشر من الأسكندرية الى القاهرة ) الى سعر القطعة
..
لإيمان أيضا مدونة على الإنترنت , تعرض فيها صور المشغولات و اسعارها و يمكن الشراء منها بنفس الطريقة .. و تعرض اعمالها في معرضين بالقاهرة أحدهما بشارع المرعشلي بالزمالك ( جاليري طاو) و الآخر بشارع 6 اكتوبر بدجلة المعادي
( Les quatre coins )
..
..
ستقيم إيمان معرضها الخاص الاول بالقاهرة أيام 5 و 6 و 7 من الشهر القادم , ابريل 2008 , من الخامسة للحادية عشرة مساء كل يوم .. في جاليري 68 الكائن ب 47 شارع محيي الدين عبد الحميد المتفرع من شارع عباس العقاد , اول شارع شمال بعد مول ووندر لاند العجيب , الدور الثالث شقة 8 , مدينة نصر , القاهرة
..
تصفح صور انتاج إيمان هنا على وجه الكتاب او على مدونتها الاكترونية هنا
لماذا فاز المنتخب المصري بكأس افريقيا للمرة الثانية على التوالي؟
..
طبقا للأهرام ويكلي , فهذا هو ما بدا عليه مبنيا ماسبيرو و وزارة الخارجية المصرية ليلة عيد الخميس المجيد في التاريخ المصري , حين حطم المنتخب الوطني اسطورة القارة التي لاتُقهر في 7 فبراير 2008 , و فاز على الكاميرون بهدف وحيد صنعه و بفخر محمد زيدان و ابو تريكه رضي الله عنهما .
اعجبتني الصورة ( و هي بالمناسبة لمحمد وسيم ) لأنها
:
- لا تبدو مختلفة للوهلة الأولى , شخصيا لم أفهم ما المميز في صورة لكورنيش النيل عند ماسبيرو , تحت مانشيت كبير للغاية بعنوان : مطاردة السعادة , إلا حين قرأت التعليق المصاحب لها . و لأطمئن عزيزي القاريء , و حبيبتي القارئة على سرعة بديهتي , أرجو من كل من لم يلاحظ ما يميز الصورة المرفقه ان يعترف الآن في قسم التعليقات .
- أن مبنى وزارة الخارجيه ( وهو مايقوله التعليق المصاحب) يحمل بحروف من نور , و من أسفل لأعلى كلمة (مبروك ) .. الميم و الباء و الراء في الجزء الأسفل , الواو في الجزء الأوسط و الكاف في الجزء الأعلى .
- الصورة للمبنى ليلة الخميس .. انتهت المباراة في التاسعة و النصف مساء . يعني هذا أن قرارا تم اتخاذه بين التاسعة و النصف من مساء الخميس و فجر يوم الجمعة بإنارة المكاتب بالطريقة الموضحة بالشكل .
- لا يمكن إلا التفكير في ان قرارا بإنارة المكاتب كان معدا سلفا , اولا لأني لا اتصور ان مبنى وزارة الخارجية هو كاتحاد ملاك المروة يمكن اتخاذ قرار اضاءته بعفوية . و ثانيا لأن العقلية البوليسية التي خططت للعمليه ( و لنسميها عملية مبروك ) كانت من الدقة و الحرص انها حاولت حتى إضافة (شرطة ) الباء و افراغ الميم والواو من منتصفيهما لتحسين الخط و تنميقه
- أتصور أن الإعداد للعملية استغرق اسابيع عدة , بدأت باقتراح مشاركة الحكومة الشعب بعض افراحه كما تشاركه كل أتراحه . و تولى المهمه أحد موظفي السلك الدبلوماسي المشهود لهم بالوطنية و الإخلاص و التفاني على التوالي , و معرفة عميقه بالتوصيلات الكهربية على التوازي . تلا هذا موافقة العديد من الجهات السيادية بدءا من رئاسة الجمهورية مرورا برئيس الوزراء فوزير الخارجية فالوزير عمر سليمان فالمشير طنطاوي فمدير الأمن فرئيس الهيئه المصريه للإستشعار عن بعد فمحافظ القاهرة و رئيس الحي التابع له المبنى فوكيل الوزارة فرئيس اللجنة المكلفة بالتنفيذ و الإشراف على العمال ووضع الخطة وهو نفسه الموظف المشهود له بالوطنية الخ الخ . يرافق كل هذا الزخم تلا من الأوراق و الدمغات و التوريدات و التأشيرات اللازمه . ما سيحفز اشخاصا خضرا كعمرو غربية مثلا على التفكير في عدد الأشجار التي عانت من أجل إنتاج أوراق تمرير مشروع المشاركة في فرحة الشعب .
- تم رسم الخطة بالضبط بعد الإستعانة بهيئة المساحة , و مراقبة المبنى من جميع الجهات و تحديد درجة الإضاءه اللازمه لتوصيل الرسالة لاكبر عدد من المواطنين .. تضمنت الخطة توزيع فوق المائتي متخصص في هذا النوع من العمليات على المكاتب المحددة سلفا , و تم اعداد فريق آخر كإحتياطي للفريق الأول .
- اتصور ايضا ان المشكلة التي واجهت المشروع ككل هو احتمال خسارة مصر في المباراة التاريخية . كان هذا خيارا غير مطروح بعد كل الجهود و الاموال و الأشجار التي تم بذلها و المتخصصين الذين تم تدريبهم بعد التحري عنهم و دفع جزء من اتعابهم مقدما . و لأن احتمال الخسارة كما ذكرنا كان كارثيا , تدخلت القيادة العليا الحكيمة الواعية لتضمن نجاح المشروع القومي و عملية مبروك بالكامل . فاتصلت القيادة السياسية باللاعبين , و تابعت تحركاتهم و تدريباتهم و أرواحهم المعنوية بل و وجباتهم الغذائية .. فقرانا مثلا عن حرص الرئيس مبارك ( الغير مبرر وقتها ) على الإتصال باللاعبين يوميا و قبل المباريات الهامة لتشجيعهم و بث روح الإستمرار ( التي يتميز بها مبارك قطعا ) فيهم و حثهم عليها ,ووعدهم بمكافآت مالية ضخمة اذا فازوا بالبطولة , و أجرى الرئيس اتصالاته الديبلوماسية بالعديد من القادة العرب الذين أبدوا ترحيبا كبيرا بدعم المنتخب و عرض التكريم و المبالغ المالية الهائلة على لاعبيه في حالة الفوز , و لا أستبعد أيضا تهديدا للاعبين بالعصا بجوار الجزرة من أجل انجاح المشروع . ظهرت كل هذه الجهود جلية في قتال زيدان من اجل استخلاص الكرة رغم قيام دروجبا تقريبا بسحق رأسه .
- لا بد ان العديد من ال( بروفات ) التي سبقت المباراة كانت تمثل مشكلة حقيقية , فإضاءة المبنى ليلا قد تؤدي الى إثارة العديد من الأسئلة و الاستفسارات و ظهور العديد من الإشاعات .. فمالذي قد تهنئنا الحكومه عليه ؟ لا اعياد و لا مناسبات و طنية و لا إعادة انتخاب لرئيس او حتى وفاته .. لذا كان لا بد للبروفات ان تتم في سلاسة و ذكاء . لا اتصور حلا غير القيام بالبروفات نهارا باستخدام مصابيح اشعاعية خاصة تم استيرادها من المجر , تصدر اشعاعا يمكن قراءته على بعد يوازي البعد الذي يمكن رؤية احد المكاتب المضاءة منه بواسطة كواشف اشعاع جيجر موزعة على مسافات متساوية من جوانب المبنى الأربعة .
- شهدت ليلة المباراة غالبا مشكلة لم تكن بالبال : العاملين في مشروع ( مبروك ) هم مصريون ايضا . يعني هذا انهم سيحرصون على متابعة المباراة لا سيما آخر دقائقها التي تمتاز غالبا بالإثارة , في نفس الوقت كان من غير المطروح أصلا بدء العملية بعدالمباراة لأنه لا يجوز ان تسبق فرحة الشعب فرحة الحكومة , لذا و قع المسئولون عن العملية فيما أتصور في حيص بيص . و لا بد ان حل المشكلة تم بطريقة من اثنتين : اما انه تم استبدال العاملين بالمشروع بمصريين لا يهتمون بمشاهدة المباراة النهائية وهؤلاء ك( ربيع و ماعت ) قلائل للغاية , لا يمكن أن يصل عددهم بأي حال من الأحوال الى المائة . وهو ما يعني إستحالة القيام بالعملية التي تتطلب عددا اكبر , ناهيك عن احتمال رفض هؤلاء المشاركة في المشروع أصلا , او رفض الجهات الحساسة مشاركتهم لدواع امنية ( على الرغم من احتمال قيام ربيع بالإشتراك في المشروع لإعتذاره عن مقابلتنا ليلتها و كونه مشبوها بصفة عامة ) .. او استبدال الفريق بآخرين من أصول اوروبية أو آسيويه , حاصلين على الجنسية المصرية بعد تطبيق قانون الجنسية الجديد لأن امهاتهم مصريات . الحل الآخر الأكثر عملية في رأيي هو توزيع أجهزة تليفزيون محمولة ماركة توشيبا تم توريدها من المظبوطات الجنائية في قضية شركة القويري و الشمعدان زي مابيحبك بتحبه كمان و كمان , و تم ظبط التليفزيونات على القناة الثانية المصرية و التأكد من عملها بدقة بالإضافة الى التعاقد مع مترجم فوري محترف عن الفرنسية لترجمة التعليق المصاحب في سماعات إذن تبث التعليمات و التعليق على المباراة الى كل المشاركين في مشروع إضاءة المكاتب أو (مبروك )
- تبين الصورة بعض الديفوهات في المشروع و التي يمكننا معا إستنتاج أسبابها , بعد فوز مصر الساحق تم تنفيذ المشروع بدقة , في الساعة التاسعة و النصف بالظبط كانت كل المكاتب قد تم اضاءتها حسب الخطة المتفق عليها , و في غرفة العمليات تلقى المسئول عن المشروع تأكيدات المراقبين من النواحي الاربع للمبنى بنجاح العملية . غير أن الصورة توضح أن نقطة الباء في الجانب الأيسر من المبنى غير دقيقة . احتمالات هذا التقصير كثيرة , منها مثلا تعطل مصباح مكتب النقطة , عنصر الخطأ البشري الناتج عن الإثارة المصاحبة لنتيجة المباراة أو ان الغاء النقطة في هذاالجانب مقصود بهدف تنويع الخطوط العربية على جوانب المبنى المختلفه ( جانب بالنسخ و جانب بالرقعه و جانب آخر بدون نقاط تيمنا بالعرب فيما قبل الخليل ابن احمد ) .
- في الصفوف السفلية من المبنى تظهر المكاتب المضاءه منذ بداية المشروع , غرف العمليات و التنسيق و توزيع الأدوار . في قمة المبنى يطهر أحد المكاتب المضاءة بدون مشاركة في تكوين الكلمة . سبب لي هذا المكتب حيرة ما بعدها حيرة , و لكن صديقا ألمعيا اقترح أن هذا المكتب يقابل تشكيل السكون على حرف الكاف إمعانا في الدقة . شخصيا أميل للرأي القائل بأن المكتب المضاء في الأعلى هو نقطة مراقبة للمسئولين الذين يتعين عليهم التحقق من نتائج المشروع و لا يليق بهم السير في الشوارع في ليلة هاج فيها العوام و ماجوا .. خصص المكتب لكي يتدلى منه المسئول بنصف جسمه خارجا , و يتحقق من سلامة الكلمة و حسن خطها . و لكي يمكنه ايضا مراقبة ردود افعال الجماهير على المشروع في الشارع .
12- المكتب المضاء في الجزء الأوسط بجوار الواو هو غالبا دورة المياه التي تدفق اليها العاملين بعد تسمر دام ساعتين في متابعة المبارة في مواقعهم رغم البرد الشديد . يظهر في اعلى النافذه المضاءه سواد هو في الغالب شفاط فيليبس أزرق يتم استخدامه بكثرة في المصالح الحكومية المختلفة مايعزز النظرية القائلة انه حمام الوزارة .
- و اخيرا لا بد أن نجاح المشروع أرضى صانعيه , فالصورة ظهرت في صفحة الأهرام الاولى . و لا بد أن كثيرا من الشعب تفاعلوا معه فزادت فرحتهم فرحتين . إلا ان هذا النجاح كشف ثغرة خطيرة رأيت من واجبي أن انبه لها هنا : أحذروا المسخ الذي صنعتموه ياسادة , مبنى الخارجية يقع بجوار مبنى الإذاعة و التليفزيون , وهو مايعني أن اي انقلاب او ثورة ( وهي انشطة تقوم في البداية بالإستيلاء على ماسبيرو عادة ) قد تمد يدها لتستولي على مبنى الخارجية لتضيء مكاتبه بترتيب محسوب , دقيق و مخطط له سلفا لتوصيل رسالة ما . هذا جهاز إعلامي أكثر خطرا من التليفزيون او الراديو اللذين يتطلبان اقتناء اجهزتيهما مسبقا .. مبنى الخارجية يضمن توصيل أي رسالة او معلومة او امر بالتحرك لاكبر عدد من المشاهدين في نفس اللحظة و بنفس الكفاءة .. لا يتأثر بعوامل الجو و لا يمكن قطع إرساله بسهولة في حالة الاستيلاء على المبنى بمولداته . تخيل السيناريوهات الكابوسية لطبيعة الرسائل التي يمكن بثها باستخدام هذا الإختراع الذي خلقته لنا الكرة المصرية .. أستطيع أن اتخيل الآن عدة كلمات او رموز يمكن رسمها بسهولة !!
.. لذا فإني اطالب القيادة السياسية الرشيدة ببعض الإجراءات السيادية الشديدة غلقا للباب الذي ستأتي منه الريح . مثلا : مجازاة المسئولين عن المشروع , مقترحي فكرته , ومنفذيه و ضمان سكوتهم , تشديد الحراسة حول مبنى الخارجية و تصميم نظام أمني قوي يضمن التحكم في المولدات و مصادر الطاقة من غرف تحكم بعيدة , تغيير مفاتيح الإضاءة بأخرى ذات ارقام سرية , و تركيب ستارة طواريء فوق قمة المبنى تسمح بتغطية جوانبه الأربعة في حالة نجحت أي جهة بعد هذه الإحتياطات من استخدامه في أي اغراض خارجه عن الشرعية .. و في حالة فشل هذه المقترحات في تحقيق مستوى الأمان المطلوب أو صعوبة تنفيذها ,أرى هدم المبنى و إقامة مول تجاري ضخم لخدمة أهالي المنطقة و العاملين في التليفزيون , على أن يتم نقل الوزارة الى مدينة 6 اكتوبر كجزء من مشروع نقل العاصمة و مراعاة تصميمه من جديد بطريقة لا تكرر اخطاء الماضي . في النهاية لا بد أن أقدم التهاني الحارة للشعب المصري الشقيق لفوزه بالبطولة , و اهدي له اغنية حمادة هلال التي احبها فعلا : مبروك لمصر ولولادنا
No country for old men
.. ساعتا فيلم الأخوين كوين الجديد هما بلا شك من امتع ما قد يمر في حياتك من لحظات . و في غمرة التفاصيل المفتاحية الدقيقه الذكيه المحسوبة بعناية و التشخيص الفائق للشخصيات و جمال الشريط الصوتي و الصورة السينمائية , ستختبر بجوار الترقب و الإثارة الحقيقيين ذلك الشعور الخفي الذي يغمرك حين تشاهد فيلما عظيما لأول مره . بالنسبة لي قضيت الساعتين بلا حراك منذ الثانية الأولى و حتى نهايته الغير متوقعه و الغير ممكنة في بساطتها و جمالها و عمقها . لا بلد لقدامى الرجال الذي تم انتاجه بميزانية اقل بكثير مما قد يستخدمه صناع السينما هنا في مصر لم يتضمن مشهد انفجار او خدع او مؤثرات بقدر ما اعتمد على الخيال المرعب لصانعيه و عظمة التمثيل و الحوار . هو بالتأكيد واحد من افضل الأفلام التي صنعتها السينما عبر تاريخها لا غرو في هذاالنوع من الدراما . او على الأقل , هو واحد من افضل الأفلام التي شاهدتها انا . و أرشحه بقوه لكل من يهتم ولو عابرا بالسينما .
يمكنك تحميل الفيلم باستخدام هذا التورنت , نسخة ممتازة
Why am I positive Dylan's the most suitable godfather for our small 4 persons cult ?
..
Simply cuz he invented things as :
" The 7 simple rules, for life in hiding"
1. Never trust a cop in a rain coat .
2. Beware of enthusiasm and of love, each is temporary and quick to sway.
3. When asked if you care about the worlds problems, look deep into the eyes of he who asks, he will not ask you again.
4 & 5. Never give your real name, and if told to look at yourself, never look.
6. Never do or say anything that the person standing in front of you cannot understand.
7. Never create anything, it will be misinterpreted, it will chain
you and follow you the rest of your life, it will never change.
..
And yeah , you can't get dead before watching this :
انه في يوم الاثنين لتسع بقين من ذي الحجه
انتهى العام و كما يليق به كمؤرخ , ذهب معه اليوم جمال بدوي . كان من اوائل ما قرأت كتابه ( شهداء و ضحايا في تاريخ الإسلام ) .. و بين طومان باي و الزيات و محمد الفاتح و سليم الأول و الشافعي و ابن طولون انهيت الكتاب في ليلة واحدة من فرط الإثاره .. و بدأت و انا بعد في العاشرة ابحث عن امهات كتب ذكرها في كتابه كمراجع .. ادخلني هذا لعوالم ابن اياس السحريه .. و منها الى الأغاني و الف ليله و المقريزي و إبن عبد ربه و اخوان الصفا و الشاهنامه و عدت فاقتنيت اغلب كتبه و اعماله .. بل و تابعت حلقاته التليفزيونية و الاذاعية و مقالاته التي طالما علمتني شيئا جديدا كل مره.. ان كنت ادين لاحد بشغفي الذي لا ينتهي بتاريخ مصر الاسلامية و ماتبقى من آثاره , فهو جمال بدوي . رحمه الله
في ضيافة مستخدم بسيوني
..في الثامن عشر من ديسمبر لعام ألفين و سبعة , اعلن المستخدم بيسو عن مسابقة فريدة وغير مسبوقة في فضاء الانترنت المصري و العربي : جائزة بيزو لافشخ مستخدم انترنت لعام 2007 . و لا يخفى على المتابع الفطن للمدونات المصريه حجم اللغط التي احدثته المسابقة بداية من الترشيحات التي طرحها بيسو نفسه و قارئي مدونته من قبله و بعده . حتى عملية التصويت التي فجرت مفاجآت و خلافات و كشفت عن المثير من الحساسيات في قرية المدونين المصريه . ترشح للمسابقه 11 مستخدما للانترنت , عرفتهم الشروط بانهم يصلون بالقاريء الى : (حالة النيرفانا، حيث يشعر القارئ حينما يري أو يقرأ انتاج المستخدم بأنه فعلاً مفشوخ) , حسب تعبير بيسو نفسه . و لأن مصطلح (مستخدم) كما حددته شروط المسابقه يعني ان تكون صفحته مفتوحه للزياره امام الجميع , لم يقتصر التنافس على اصحاب المدونات فحسب , بل تعداهم الى مواقع حقوقيه , نشطاء في التعذيب و التسخين , مراكز مقارنةاديان , علماء و فلاسفه يطمحون للانتماء لنقابة الصحفيين بالاضافه الى ( وهو مايهمنا هنا ) محرري ويكيبديا العربيه
اليوم ننشر حوارنا الحصري مع احد نجوم المرشحين المنافس بقوه على تاج بيزو : المستخدم احمد بسيوني
احمد بسيوني هو اول مرشح على قائمة بيسو الشخصيه ,وهو صاحب المركز الثالث في سباق بيزو المحتدم . شخصيا تعثرت في صفحة بسيوني الشهيره الآن على ويكبديا العربيه بعد ان اكتشفها صديق مدون هو أحمد من أحد . و مالبثت ان انتشرت الصفحه كالنار في قش الارز حتى وصلت الى بيسو الذي ادرجها ضمن ترشيحاته . ينبع تميز بسيوني من عنصرين : اولهما صورته الغامضه غير المفهومه التي شكلت حيرة كبيرة للعديد من زائريه في محاوله لفهم ما يعتمره على رأسه و يضعه في فمه فيها . و العنصر الآخر الأكثر ابهاما و غموضا هو صناديق المستخدم اللانهائيه في صفحته والتي يقول انها وصلت الى اكثر من 100 صندوق مستخدم تتحدث جميعها عن مواضيع غير مترابطه و متناقضه احيانا.. تتراوح من تعبيره عن حبه لالعاب الطاوله و الذكاء و كشفهلحقيقة امتلاكهاكثر من 100 عنوان بريد الكتروني .. و حتى معارضته لحكم الاعدام و ايمانه بالخلافه الاسلاميه في آن .. فضلا عن تركيزه الصارخ على انه ليس دمية جورب . و انه ايضا ليس سببا في نهاية العالم جار القمر حاورت احمد بسيوني في لقاء خاص و حصري . بعث هيثم محرر الموقع برسالة الى بسيوني يطلب فيها اجراء حوار معه عبر الماسينجر . و قد لبى المستخدم الدعوه بصدر رحب و اريحية كبيره . في هذا الحوار يكشف بسيوني اسرارا هامه , منها طبيعه القبعه الغريبه , رأيه في الموسيقى و المعازف , و سبب حبه لفرنسا و المجر .. و يتحدث ايضا عن ارائه السياسيه و الاجتماعيه و وجهة نظره في تطوير ويكيبديا العربيه و الحفاظ على الانترنت من الفساد و الإفساد .. ارجوكم لا تذهبوا بعيدا .. فالموضوع على طوله يستحق الصبر الحوار منقول بالنص وبعد موافقة بسيوني من محادثة الماسينجر .. مع الاحتفاظ باخطائه المطبعيه و الاملائيه و تعديل بعض اعدادات العرض .. اضغط على الصوره ادناه لترى كيف يظهر المستخدم بسيوني على قائمة اصدقاء جار القمر ..
..
================
هيثم : باشمهندس احمد السلام عليكم احمد بسيوني: وعليكم السلام
هيثم : ازيك ياباشا ؟ انا اسمي هيثم كنت بعتلك ايميل لو تفتكر لو مشغول ممكن نتكلم في وقت تاني احمد بسيوني : لا مش مشغول اتفضل هيثم: بص يا سيدي انا زي ماشرحتلك باعمل موضوع عن صفحتك على ويكيبديا عشان انشره في الموقع بتاعي . انا حابتدي اسالك حبة اسئله و ليك الحريه في الاجابه او لأ .. اتفقنا؟ احمد بسيوني:اتفضل هيثم : طيب يا احمد نبتدي بالمعلومات الشخصيه . ممكن تكلمنا شويه عن نفسك ؟
احمد بسيوني : كل المعلومات موجوده في الصفحه عندك هيثم : طب يا ترى المعلومات اللي على صفحتك دي كلها حقيقيه؟
احمد بسيوني: المعولمات ولا الصناديق
احمد بسيوني: اه
احمد بسيوني: كل حاجة صح
هيثم: اول حاجه تلفت النظر هي الصناديق الكتير .. ليه كل العدد ده ؟
احمد بسيوني: فكرة الصناديق انها معلومات جانبية وسريعة عنك احسن ماتكتبها احمد بسيوني: اول حاجة لفتت نظرى هيا جودتها وشمولها
..
..
هيثم: و يا ترى هل من المفيد مثلا انك تحط حاجه زي : هذا المستخدم غير مسؤول عن نهاية العالم؟
احمد بسيوني: انا بحب ان كل حاجة عندى تبقى كتير
هيثم: مفهوم بس ايه المغزى من ورا ده ؟؟ ليه يعني ؟
احمد بسيوني: عشان ابو بلاش كتر منه
هيثم: طيب قولي . ايه موضوع نهاية العالم ؟؟ و دمية جورب ؟؟ و الكلام ده؟ ازاي الافكار دي بتجيلك؟ احمد بسيوني : from other users احمد بسيوني : و دميه جروب معناها مش شخشيخه هيثم : اها هيثم : طيب قوللي يا احمد .. في حاجات في الصناديق ممكن تكون بتناقض بعضها .. انت مش شايف كده ؟ احمد بسيوني : no هيثم : يعني مثلا حاجه زي هذا المستخدم آناركي احمد بسيوني : ايه ؟ هيثم : وهذا المستخدم يؤيد قيام الخلافه الإسلاميه .. انت حاطط الصندوقين دول مع انهم ضد بعض احمد بسيوني : ايه اناركي دي ؟ فين ؟ هيثم : سوري سوري اقصد الصندوق بتاع لا سلطوي احمد بسيوني : كنت فاكر ان ده يعني السلطه الظالمه الجائره وغير شرعيه , يعني انا ضد السلطه هيثم : اها اوكي نقطتك وضحت دلوقت هيثم : طيب يا احمد .. يعني ايه رافنكلوني و يعني ايه هوغوورتس ؟ احمد بسيوني : i love harry potter story , وهوجرتس و رافنكلون جزء منها هيثم : اه طيب , قولي يا احمد انا لاحظت صورتك في الصفحه , و الحقيقه مش قادر اعرف ايه اللي انت لابسه فوق راسك ده ممكن توضح شويه ؟ و كمان ايه اللي انت حاطه في بقك في الصوره ؟ دي حاجات فلكلوريه و لا ايه ؟ احمد بسيوني : رحت قبل كده بناروما حرب اكتوبر او اي متحف او القريه الفرعونيه ؟ هيثم : ايوه احمد بسيوني : انا كنت في المجر من سنه و نص و دخلت استديو و اتصورت بلبس مجري قديم , ده لبس نبيل طاقيه و بايب احمد بسيوني : مع اني مش مدخن هيثم : ايوه مفهوم مفهوم
..
المبنى العظيم لبانوراما حرب اكتوبر المجيده بمدينة نصر
..
..
هيثم: فهمتك
هيثم: طيب انت رحت المجر و فرنسا. ياترى عشان كده بتقول في صفحتك انك بتحبهم ؟
احمد بسيوني: رحت المجر بس بحب فرنسا غيابيا
هيثم: هاهاا طيب جميل
هيثم: انت في سنه كام معهد العاشر يااحمد ؟
احمد بسيوني: تالتة
هيثم: طيب جميل ... و ايه علاقة هندسة الاتصالات بالانترنت ؟ و من امتى بتحرر في ويكيبديا ؟
احمد بسيوني: الاتصالات كتيره و النت جزء من الاتصالات و بحرر من سنه تقريبا
هيثم : و ازاي اتعرفت على موضوع و يكيبديا العربي ؟ و ياترى حاسس انك اضفت ايه للموضوع ؟
احمد بسيوني : عرفت ويكيبديا بالصدفه وتقريبا اضفت شوية من قوالب و مواضيع
هيثم : طيب ايه رأيك في ويكيبديا العربي و ازاي تفتكر يمكن تتطور ؟
احمد بسيوني : موقع تمام جدا و بدون نفاق هيثم : طيب يااحمد ازاي نخلي ويكيبديا العربي توصل لمستوى اللغات التانيه و ايه اللي ويكيبديا محتاجاه ؟
احمد بسيوني : كترة المواضيع و اشهارها في جميل المنتديات . و هيا بتسمح واحد يعمل موضوع حتى لو ماكانش منضم ليه . ان يكون في نظام من الجميع ..
..
هيثم: اشهارها فين ؟احمد بسيوني: المواقع والمنتديات
هيثم: اوكي فهمتك
هيثم: احمد انت زملكاوي ..مظبوط ؟ تفتكر مستخدمي ويكبديا اغلبهم اهلاويه و لا زملكاويه ؟
احمد بسيوني: اه احمد بسيوني: زملكاوى شديد
احمد بسيوني: لا هم عرب كل واحد لوه ميوله
احمد بسيوني: اهلاوية هلالية ترجية من الوطن العربى كله ..
..
هيثم: طيب انت قلتلي انك بتجيب بعض الافكار بتاعت الصناديق من مستخدمين تانيين ... ايه الصناديق اللي انت اخترعتها بنفسك ؟
احمد بسيوني: انا عاملهم لسته في الصفحه هيثم: طيب يا ابو حميد .. ايه قصة موقع ارض الابطال ؟
احمد بسيوني: موقعي هيثم: ايه سبب التسميه ؟
احمد بسيوني: الق نظرة حتفهم
هيثم: بصيت
هيثم: بس منين جت الفكره
هيثم: انت و اصدقاءك ؟
احمد بسيوني: من زميلى وشريكى فى السيت
احمد بسيوني: انا هارى جيمس كارلوس بوتر وهو فرودو
احمد بسيوني: هيا الفكرة انه يبقى زى داتا بيز لكل الأبطال والخوارق والأساطير الحقيقيون والخيال
هيثم: طيب ياترى بتحبوا حاجه تانيه زي هاري بوتر.. في قصص تانيه بتستحوذ عليكم ؟ا
احمد بسيوني: جدا جدا
هيثم: ملك الخواتم مثلا ؟
احمد بسيوني: انا قصص الثوار والقادة والزعماء والحروب والعلماء والجاسوسية احمد بسيوني: هو مش متأكد بس زيي برضه
..
..
هيثم: احمد .. اشمعنى الدومينو يدخل في الالعاب الاولومبيه ؟هيثم: ليه مش الطاوله مع انك متخصص فيها ؟
احمد بسيوني: ملقتش صورة للطاولة والشطرنج ومجاش فى بالى اعمل لها صورة هيثم: احمد , انت كاتب انك بارع في الغناء داخل الحمام ؟؟؟ طيب ايه اخبار بره الحمام ؟؟ ياترى صوتك كويس؟
احمد بسيوني: تحب تسمعه
هيثم: لا شكرا
احمد بسيوني:عامة هو ميفرقش عن المغننين الهلس بتوع اليومين دول
هيثم: بس انت بتحب الغنا عامة ؟
احمد بسيوني: الغناء الثورى والوطنى والترفيهى والأسلامى بس
احمد بسيوني: بغنى فى الحمام ومدمن قراية جرايد وكتب
هيثم: احمد اسئله سريعه معلش .. عشان وقتي ضيق ايه رأيك في تولي المرأه رئاسة الجمهوريه ؟؟ و ايه رايك في الحجاب و النقاب ؟
هيثم: و ايه موقع الحب في قلب احمد بسيوني الويكيبيدي؟
احمد بسيوني: الرد من القرأن
احمد بسيوني: للتلات اسئلة
احمد بسيوني: القرأن والحديث
احمد بسيوني: خاب من ولو امورهم أمرأة
هيثم: ياترى بتؤمن بالحب عن طريق الانترنت ؟ احمد بسيوني: لا طبعا
هيثم: طيب ايه الحل في رأيك لمواقع النت الفاضحه ؟
هيثم: المنع الحكومي و لا التوعيه ؟و لا اباحتها ؟
احمد بسيوني: يتم أختراقها وتدميرها بدل الهاكرز المغفلين بيدمروا فى نفسهم
احمد بسيوني: المنع الحكومى فى حكومة بتسمح بكدة مستحيل ..
..
هيثم: احمد انت ليك اصدقاء كتير ليهم نفس دماغك و افكارك ؟احمد بسيوني: انا عندى 100 صندوق و100 ميل أكتر واحد ملوش أكتر من 20 ميل
هيثم: طيب ايه رايك في الحكومه و نفسك ايه يتغير في مصر ؟
احمد بسيوني: يتغير النظام الحكومى كله مش مغير تغير رئيسا لجمهورية او رئيس الوزراء مجالس الشعب والشورى
هيثم : طيب نغيره و نجيب ايه ؟
احمد بسيوني: بحلم لو عاد الأسلام يحكم من تان احمد بسيوني: مرجعى الأول هو القرأن والحديث فى كل تصرفاتى وأفعالى
احمد بسيوني: وبحاول أصلح فى ذنوبى الصغائر
هيثم: مين مطربك المفضل ؟
احمد بسيوني: عبد الحليم - مدحت صالح - على الحجار ومن على شاكلتهم من الرجال
هيثم: طيب مافيش و لا ست ؟
احمد بسيوني: شادية وثومة وسعاد حسنى وصباح ومن على شاكلتهم من النساء
..
..
هيثم: اها اوكياحمد بسيوني: وده ملهاش تعارض من أن صوت المرأة عورة
هيثم: طيب انت مش كنت قلت قبله انك مكافح للموسيقى و المعازف
هيثم: و ازاي مافيش تعارض مع كون صوت المرأه عوره ؟
احمد بسيوني: افهمك
هيثم: اتفضل
احمد بسيوني: لو صباح غنت وطنى حبيبى او ثومة غنت انا فدائيون او شادية غنت مصر اليوم فى عيد
احمد بسيوني: هل دى فيها أثارة للمشاعر الجنسية طبعا لا
احمد بسيوني: انا بكره الأغانى التى تثير المشاعر الجنسية
هيثم: طيب يعني مابتسمعش شاديه مثلا و هي بتغني : لو راح منك يا عين .. او صباح و هي بتغني بدلع : انا اصلي باحب الدوامه ؟
احمد بسيوني: ما بسمعش دول
..
..
هيثم: طيب لو انت مسكت البلد بكره يا احمد اول حاجه حاتعملها ايه ؟احمد بسيوني: أطبق الأسلام من الألف للياء
احمد بسيوني: atabaq elislam from A to Z
احمد بسيوني: دستورى القرأن
هيثم: طيب قولي يا احمد .. ايه حلمك ل 2008 ؟
احمد بسيوني: على مستوى ايه هيثم: الشخصي و الوطني؟
احمد بسيوني: الشخصى هو النجاح فى دراستى وmy life الدراسية والعائلية
احمد بسيوني: والوطنى هو عودة الأسلام ووحدة العرب وأستيقاظ المصريين والعرب من سبابتهن
احمد بسيوني: احنا بقيت (صفرا) فى كل حاجة
هيثم: احمد انا لاحظت انك بتحب مدرسة المشاغبين لدرجة انك شفتها اكتر من 20 مره ده حقيقي؟
احمد بسيوني: اه شيئ عفيف مضحك
هيثم: و كمان لاحظت انك بتحب مصر قوي ؟؟ ياترى ايه السبب مع انها مش احلى بلد في الدنيا ؟؟ و ليه الانتماء ده قوي عندك مع انه نادر اليومين دول وسط الشباب
احمد بسيوني: مش انا بحب التاريخ الفرعونى والأسلأمي
احمد بسيوني: يبقى عندى أنتمأء ووطنيه حتى النخاع
هيثم: ايوه بس ليه؟ السبب ؟
احمد بسيوني: بحبها عشان الزبال والفقير الى بينام متعشى عشان ضحكتة فتاة فى مكان ما
احمد بسيوني: بحبها على شعر جاهين وإغانى حليم وروايات محفوظ وعبقرية السدات وعلم زويل
احمد بسيوني: بحبها لأن الرسول صلى الله عليه وسلم وصى أخوانه بيها
احمد بسيوني: (كم بغت دولة على وزالت وتلك عقبى التحدى) ..
فتاه مصريه تضحك في الحقل الزراعي في مكان ما
.. احمد بسيوني: عرفت ارد هيثم : طبعا
هيثم: انت جميل قوي يا باشمهندس و لبق
احمد بسيوني: الله يكرمك
هيثم: طيب انا لازم انهي الحوار الجميل ده يا احمد
هيثم: قولنا اخر نكته
احمد بسيوني: قديمة ولا جديدة
هيثم: جديده بس قصيره احمد بسيوني: انا موسوعة متنقلة
هيثم: واضح من صفحتك انك دمك خفيف
احمد بسيوني: جدا جدا
احمد بسيوني: قنبلة وقعت على قهوة عملت بننننننن
هيثم: هههههه
هيثم: لا بجد
احمد بسيوني: واحد عنده عربية fiat عطلت على الطريق السريع
احمد بسيوني: فواحد معاه 4*4 وقفله عشان يجره هيثم : ههههه
..
..هيثم: طيب في النهايه احمد انا عايز اخد تصريح منك
هيثم: اني انشر الحوار ده في مدونتي ع النت
هيثم: http://jarelkamar.net/
احمد بسيوني: اوك بشرط تعلن عن صفحتى وموقعى بس كدة
هيثم: حاضر
هيثم: و كمان ممكن طلب صغير
احمد بسيوني: قول
هيثم: ياريت صوره ليك غير الموجوده في صفحة ويكيبديا
هيثم: عشان انزلها مع الموضوع
هيثم: تبعتهالي ع الميل احمد بسيوني: حاضر
..
مستخدم بسيوني يفي بوعده و يرسل الصوره المطلوبه .. بسيوني في صوره نادره في صباه ..
هيثم: اوكي شكرا يا احمد احمد بسيوني : طيب ممكن انا اطلب طلب صغير منك ؟ هيثم : ايوه طبعا انت تؤمرني احمد بسيوني : فى موقع اسمه الدليل العربى حيحضر مسابقة لأفضل المواقع.. المهم انا حطيت رابط عشان اعضاء موقعى يصوت من خلاله وأكتر من مرة
هيثم : تمام .. شوف يا احمد بعد مانشر موضوعك ده ناس كتير قوي حاتروح الموقع بتاعك و حايصوتولك اكيد
احمد بسيوني : لا انا عايز حاجة منك
احمد بسيوني : http://www.dlel4arab.com/show30074.html
احمد بسيوني: ارسل تقييمك من أخر الصفحة وأكتر من مرة لمدة شهر كده. يعنى تقييم وبعديها بمدة تقييم تانى وكدة هيثم : انت تؤمرني حاضر , و بما انك مهتم كده بالمسابقات و خلافه فاحب اقولك مفاجأه ان صفحتك داخله مسابقه
احمد بسيوني: بجد ؟ هيثم : shadow.manalaa.net هيثم: اسمها بيزو احمد بسيوني: اوك هيثم : عندك اي تعليقات او اسئله بخصوص المسابقه دي ؟ احمد بسيوني: لا مفيش هيثم: طيب الف الف شكر هيثم: و كل سنه وانت طيب احمد بسيوني : لا انا مابحتفلش براس السنه احمد بسيوني : الا بقى لو تقصد العيد الكبير هيثم: اه العيد الكبير بس متأخره شويه معلش ..
.. احمد بسيوني: سلام هيثم : سلام هيثم : شكرا تاني Message could not be sent because the user is offline: شكرا تاني
---------------------------
قام بإجراء الحوار : جار القمر .. و قام بتصميم الصور التوضيحيه البديعه المصاحبه له العزيز أحمد صاحب