BooDy's HomePage
Checked: 1 hour 53 min ago
Updated: 1 hour 53 min ago
Update every: 2 hours
تحذير: هذه المدونه تحتوي على ألفاظ بذيئه و غير مناسبه لمرضى القلب و الحوامل و الأطفال تحت سن التاسعه و التسعين. مجرد آراء شخصيه و مشاهدات عشوائيه للبيئه المحيطه بالعبد لله صاحب المدونه في رحلته للبحث عن مدينته الفاضله المفقوده. تكنولوبيا، دين، سياسه، تفاهات، مُفقِعات (واخد لي بالك) و أشياء أخرى.
يا فلسطين لا تنادي عليهم
يا فلسطينُ، لا تزالينَ عطـشى وعلى الزيتِ نامتِ الصحـراءُ
العباءاتُ.. كلُّها من حريـرٍ واللـيالي رخيصـةٌ حمـراءُ
المفروض بما إني مصري أشعر بالخزي و العار دلوقتي، صح؟ يؤسفني إني أخيب ظن القارئ العزيز لإني سأظل دائما و أبدا فخور بإني مصري. برغم خيانة و عمالة الحكومة المصريه اللي عمري ما اخترتها و رافضها و هفضل رافضها لغاية ما تغور عننا. برغم ده برضو انا فخور اني مصري لإني ولا خنت فلسطين ولا عملت حاجه ضد المقاومه ولا هعمل، الخونه هما السياسيين و زي ما عندنا خونه كل الدول العربيه بيحكمها خونه و كلاب، زي ما عندنا حزب وطني ديموقراطي زي ما فلسطين عندها فتح.
عن ويكيبيديا المصريه و "الهرتله" نتحدث
كنت بدأت اكتب تدوينه علشان أفش غلي بعد حرقة الدم اللي شفتها من مشروع ويكيبيديا المصريه و الجهل و القوميه الغبيه اللي بيدل عليهم المشروع ده. للأسف محدش رد على الهبل ده غير الإسلاميين الدهلات اللي كل همهم الحفاظ على لغة القرآن. لكن صحيت النهارده الصبح على تدوينه عبقريه من طي المتصل اللي أكيد عنده إلمام اكبر مني بكتير باللغويات و بيعرف برضو يتحكم في أعصابه و هو بيكتب اكتر مني. مش من عادتي إني أشاور على تدوينه عجبتني لكن فعلا أول مره من زمان أحس ان حد كتب حاجه كنت بفكر فيها بصوره أحسن مليون مره من اللي كنت هكتبه.
اقروا عند أحمد غربيه تدوينة البتاع عن ويكيبيديا المصريه.
خلي الضمير صاحي
هو يعني ايه ضمير و النبي؟ بصفتي راجل جاهل نفسي حد يفهمني ايه هو الضمير بالظبط؟ اللي شايفه قدامي ان الضمير تعريفه ان واحد يبقى متضايق من حاجه وحشه عملها فيحاول يحس انه انسان كويس و جميل بإنه يصلحها، مش مهم يصلحها ازاي بس المهم انه يحس انه احسن و يستريح و طز في باقي الناس. مش فاهم انا ايه الفايده اللي هترجع علي من الاعتذار؟ واحد يقول لي انت عيل واطي صحيح، ما كفايه عليك القيمه المعنويه... للأخ اللي بيقول كده اسمح لي اقول لك معنويه دي تبقى خالتك!
فاليري جيسكار ديستان
"و الست بتاعه كمان، هيجيب الديب من ديله، و يشبع كل جعان".
دي أغنية للشيخ إمام الله يرحمه و كلمات أحمد فؤاد نجم ربنا يديله الصحه و يطول لنا في عمره. فاليري جيسكار ديستان كان رئيس فرنسا في السبعينات، معلوماتي عن الفتره دي محدوده أوي لكن على حد علمي كان في نوع من التفاؤل في الشارع المصري بانتخاب فاليري و كان الناس حاطين أمل كبير و حاسين ان وصوله للحكم في فرنسا حاجه كويسه لفرنسا و لمصر و للكون كله. طبعا بما إن انا عيل صغير مواليد 1984 معشتش الفتره دي و معنديش انطباع عنها لكن مش هبقى مستفرب لو حد أكد لي الكلام ده و أكد لي ردة الفعل دي في السبعينات لإني شايفها دلوقتي في الشارع المصري بعد نجاح باراك اوباما في أمريكا.
No we can't
عن مروض التنين البمبي أتحدث
نادر اني اعترف ان في حد أثر في شخصيا و دايما بنسب أي تطور في شخصيتي لعبقريتي المتواضعه و نظرية التطور الطبيعي للحاجه الساقعه العلميه. النهارده التدوينه دي إهداء للأخ العزيز شيخ الطريقه الفيصليه و أسقف الكنيسه البمبيه، إنه آية الله سماحة السيد علاء عبدالفتاح أطال الله في عمره.
أول معرفتي بيه كانت عن طريق Linux Egypt و أول لقاء بيه كان في مهرجان البرمجيات الحره في واحد مايو 2004 و ده كان أول تعامل بيني و بين أي حد من مجتمع البرمجيات الحره في مصر وجها لوجه. يؤسفني الاعتراف ان بسبب علاء جربت ماندريفا لأول مره و آخر مره لحد ما هداني الله لنور دبيان و من بعده اوبنتو.
أثناء البحث عن تصنيف
كل واحد عنده مجموعة معتقدات متصور انها هي الصح و اللي حواليه كلهم غلط، طول عمري عندي مشكله اني اصنف نفسي لأني عمري ما عرفت انا زي مين بالظبط، دايما كنت بعرف نفسي على إني مسلم و هويتي الإسلاميه هي حجر الأساس لشخصيتي و لحياتي عموما. "كنت ملحدا على سنة الله و رسوله" استاذنا الله يرحمه عبدالوهاب المسيري قال الكلمه دي، ساعات كتير كنت بحس انها بتوصفني. مريت بفتره كنت فيها ملحد، و مريت بفتره كنت فيها سلفي بن لادني حلم حياتي اني افرقع برجين لأمريكا، لكن معظم باقي الوقت كنت ثابت في نفس المكان، معدوم الهويه.
عناوين الصحف بعد حريقة المجلس
- البطل الشعبي A for A7A يعلن مسئوليته عن العمليه و يعد بتكرارها كمان عشر سنين
- كتائب الشهيد مالك مصطفى تنفي صلتها بالحادث و تندد باتهامها بالغباء لدرجة حرق المجلس و هو فاضي
- نقل مجلسي الشعب و الشورى للقاهره الجديده بتكلفة عشرميت مليار جنيه
- منع أعضاء المجلس من الإخوان المسلمين من الدخول بحجة ان اسمائهم كانت مكتوبه في الورقه القديمه اللي اتحرقت في البوفيه و لا يمكن إثبات صحة عضويتهم
- إعلان المصالحه بين حديد عز و مجموعة طلعت مصطفى من أجل الوحده الوطنيه في مواجهة هذه الكارثه الإنسانيه
- إعلان مجموعة طلعت مصطفى عن مشروع "مجلسي" السكني مكان مجلس الشورى القديم
شيل الشنط مع اخوك
اتكتب على أجيال من البلد دي يهاجروا لبلاد غريبه علشان يدوروا على حياه احسن ليهم و لولادهم سواء اتغربوا معاهم او سابوهم وراهم في مصر زي ما سابوا كل حاجه عاشوا بيها و ليها.
"شيل الشنط مع اخوك"
"متنساش و النبي تدعي لنا في الكعبه"
"دي نمرة ابن خالتي، تكلمه اول ما توصل هو هيجي لك لحد عندك ياخد الحاجه متتعبش نفسك انت"
"(زمان قبل اختراع الانترنت) يوم الخميس الساعه عشره بتوقيت مصر تستنوا جنب التليفون"
يوم ويكيبيديا العربي الرابع - شارك بمعرفتك
يوم السبت 30 أغسطس هيبقى رابع مره نكرر اليوم ده، يوم كامل يتجمع فيه المشاركين على قدر استطاعتهم سواء في نفس المكان أو على الانترنت علشان يساهموا في إضافة محتوى لويكيبيديا العربيه.
شارك بأي مقال أو تعديل أو إضافة للمقالات الموجوده حاليا في ويكيبيديا العربيه. ساهم بمعرفتك و ساعد على نشر حرية العلم.
بمناسبة الانقلاب العسكري
راكب تاكسي النهارده و رايح أقابل واحد صاحبي و شايل في ايدي شوية حاجات من ضمنها رواية ثورة 2053. سواق التاكسي تقريبا لمح كلمة ثوره و رقم خمسه بس من على غلاف الروايه. فضل سواق التاكسي الغلبان اللي سايق تاكسي مهكع ماشي بالعافيه و شكله في الخمسينات من عمره تقريبا باصص في الطريق و ساكت مبيتكلمش لغاية قبل ما انزل بشويه دار الحوار ده
السواق: معلش يا ابني ممكن اسالك سؤال؟
أنا: اتفضل يا باشا
السواق: انت يعني بمناسبة الثوره النهارده بتقرى الكتاب ده عن الثوره؟
أنا: لا مش محتاج اقرى عن الانقلاب دي روايه
السواق: أيوه يا ابني هي مش ثوره
أنا: لا هي ممكن تقول انها ثورة، ثورة حراميه
و الله انا ساقط ثانويه عامه!
بيقول لك في اتنين طلبة ثانويه عامه انتحروا السنه دي بسبب صعوبة الامتحان. مش قادر أحدد موقفي بصراحه هل أنا متغاظ و هفرقع ولا عاوز اروح اقتل أهالي العيال دي ولا اربط على كرشي حزام ناسف و اروح افجر لجنة امتحان باللي فيها ولا عاوز اضحك. الأهالي بيقنعوا ولادهم ان نجاحهم أو فشلهم في النظام الدراسي المصري هو اللي بيحدد مستقبلهم، و العيال بتصدق و بيقتنعوا ان فعلا حياتهم يا هتتدمر يا هتبدأ بعد ثانويه عامه.
اتفضلوا يا حبايب اوباما و الامريكان
منع اتنين مسلمات محجبات من الجلوس في مكان ممكن لا قدر الله يظهروا منه في الصوره اللي هيتصورها اسم النبي حارسه و صاينه اوباما. اقروا الخبر هنا
سلامات يا رياح التغيير و بحبك يا ماما امريكا، بحبك طحن أوي جدا خالص
بمناسبة انتخابات امريكا
حبيت بس من هذا المنبر الإعلامي العريق اللي أكيد أنضف مليون مره من كل المنابر الإعلاميه الغربيه أو العربيه أن أعلن عن دعمي الكامل و الشامل للمرشح الأمريكاني الجمهوري جون ماكين.
بما إننا كعرب هنتفشخ سواء هلاري ولا اوباما ولا ماكين بقى الريس الامريكاني الجديد و بما ان الديموقراطيه الامريكيه مجرد كذبه كبيره و لا يمكن المرشح الوحيد الكويس في امريكا رالف نادر يبقى الريس الامريكي الجاي يبقى على الأقل ندعي ربنا ان يجيلهم واحد ابن قحبه يفشخ الامريكان اكتر و اكتر و يطلع ميتين امهم زي ما هيطلع ميتين امنا.
وساخة دماغ
ساعات بيجي لي حاله بيبقى نفسي فيها اشتم كل مخلوقات ربنا بما فيهم انا و يمكن ربنا نفسه كمان بالمره. و عاوز اقول الكلام ده بصوت عالي و اكبر عدد ممكن من الناس اللي انا عاوز اشتمهم يسمعوه. بتبقى حاله مستعصيه من وسخاة الدماغ، لازم الوساخه كلها تطلع علشان الدماغ ينضف و يرجع لحالته الطبيعيه. دي وساخة دماغي النهارده.
ايوه لسه في ناس بتحب مصر
مكنتش عاوز اكتب تاني لكن مقدرتش. كان لازم اكتب أي حاجه عن واحد صاحبي. صاحبي ده شاب بسيط زيه زي كل الشباب اللي انضحك عليهم و مشيوا في ساقية الحياه لغاية ما خرج للدنيا و اتصدم في حقيقتها و صعوبتها. شاب عادي جدا زي أغلبية شباب مصر.
حيوا البطل، عاش البطل...... يا اخي ** ام البطل
ممكن حد يفهمني يمكن انا مستوى ذكائي ضعيف شويه و مش فاهم الحكايه صح؟ هو ايه الفرق بين الضحيه المظلوم و البطل الشهيد؟
جبرنا، فوت علينا بكره
اول ما بدأت المدونه دي من 3 سنين تقريبا كانت عامله زي بيتي التاني. المكان اللي بهرب له دابما علشان انفس عن غضبي و زهقي و قرفي من الوضع اللي انا شايفه قدامي.
GNU/Linux is not just Ubuntu!
This is just too much. I have nothing against ubuntu in fact I'm running ubuntu on my laptop right now but in the past 2 years people have been developing an obsession with Ubuntu crowning Mark Shuttleworth as the king of the new world, they're almost like how Youssef Assad put it before
" Yay! Feisty Fawn is out! Who needs God when you got Shuttleworth! (trying to emulate braindead ubuntu freaks)"
It's been all those years alreay?
I can still remember the day, I still remember every single detail. The way you looked. How we thought next year will be different. How I imagined the way we will celebrate your birthday after 10 years. But you didn't make it to next year. If there's any fairness in this world you would be here right now. But fairness is for the lucky ones and you weren't lucky that much in your short life.
It's been almost 6 years and I still miss you.
Happy Birthday.
مسلمبيضيا
و الله أعلم ده الاسم اللي بعض الإخوه البضاينه نفسهم يطلقوه على ويكيبيديا العربيه حيث ان ويكيبيديا العربيه لابد أن تكون اسلاميه خاشعه لذكر الله و في نفس الوقت تحتوي على مخزون كافي من البيضان.
أولاد حارتنا
اشتريتها النهارده من مكتبه جنب الشغل. للأسف نجيب محفوظ ربنا مكتبلوش يعيش لغاية ما لجان الجهل تفرج عن إبداعه و يشوفه بيتباع في المكتبات المصريه.
الله يرحمه و يرحمنا
هو نص الكبايه المليان فين؟
عالم قذر و حقير و بكرهك. كرهتك طول عمري و شكلي هفضل اكرهك لغاية ما وقتي فيك يخلص. مليان حقد و كراهيه و ظلم القوي فيك بياكل الضعيف و الضعيف فيك بدل ما يدافع عن نفسه بياكل الأضعف و الأضعف منه بيرفع ايديه للي خلقه و ادي دقني لو استجاب.
الشروح الوفيه للفتاوى العنتبليه
بصفتي طبعا شيخ طريقة أبو طرف و رئيس جمعية اليهوديه هي الحل آية الله أبو بودي الزقازيقي لازم كل كام يوم اخبط في نقاش مع حد من اخواننا أصحاب الفكر الإسلامي "القويم" و اتخبط لي فتوى تنزل على دماغي زي ما بيقولوا كإني أخدت تسعين قلم على غفله.
The seven sins of programmers
If there was a bible for software developers this article from the Free Software Magazine would be it's first and most important chapter :D
It's a really nice article, useful and funny too :)
Enjoy it.
The seven sins of programmers
Apple and EMI to drop DRM
This is probably the best news I've heard in the last few weeks. According to this iTunes will sell tracks from EMI catalog DRM-Free from now on. I'll be buying some music from iTunes from now on and I think my conscious won't hurt as much now if I buy an Ipod. Who knows, maybe I will.
Thank you Steve Jobs.
هو انت بتحب مصر؟!!!
من كام يوم كنت قاعد مع اصحابي شلة ال geeks و واحد منهم طلع الموبايل بتاعه و سمعنا آخر الحاجات الجميله اللي معاه. من ضمن الحاجات دي واحد قذر كاتب قصيده في ذم مصر كنت سمعتها قبل كده مره أو مرتين و الحيوان اللي عاملها فخور بنفسه أوي و قايل اسمه في آخرها لكن للأسف مش فاكره.
عرص ركوبتي
متهيأ لي كان لازم اسم النسخه العربي السخيفه من برنامج pimp my ride يبقى اسمها "عرص ركوبتي" علشان تبقى نسخه مترجمه بالحرف من البرنامج الامريكي.
دعوة لاعتصام في ميدان التحرير ضد التعديلات الدستوريه
الحق يا مصري آخر مظاهرة قبل الغاء الجمهورية واعلان مصر عزبة مستقلة
مش عايزين تعديل دستور .. عايزينك ترحل وتغور
يوم الأحد 25\3 الساعة 6 مساء هنعتصم في ميدان التحرير و نبات الليلة دي عشان نقول لأكبر عدد ممكن من أخواتنا على خطر تعديلات الدستور.
Doing what's right because it's right, not because you have to?
I keep reading those civic movements websites in America trying pressure the American government to pull the American troops out of Iraq like democracyrising.us. And a question keeps popping into my head. What if they didn't lose over 1,400 soldiers in Iraq so far? What if there were no criminals like Zarqawi killing Americans and Iraqis as well in the streets of Baghdad? would they fight so hard to stop the evil their country is doing in Iraq everyday?
Another proof that humans are horny
I was just looking for a book at the gutenburg project and I thought why not look at what other people are downloading so I went to the 'Top 100 Books' page to see what's popular in there. And guess what's the most downloaded book in the last day, week, and month. The Kamasutra is the most popular book. That's just astonishing!